As conselleiras de Infraestruturas e Mobilidade, e do Mar, Rosa Quintana, supervisaron hoxe en Viveiro esta intervención que se está comezando a executar e que, xunto coas obras da Xunta na depuradora municipal, completan o saneamento integral da ría
Viveiro, 12 de setembro de 2022. A conselleira de Infraestruturas e Mobilidade, Ethel Vázquez, avanzou hoxe que a Xunta rematará no verán de 2023 a mellora do saneamento de Celeiro, culminando un investimento de 8 M€ para garantir a calidade das augas da ría de Viveiro.
Vázquez Mourelle, xunto coa conselleira do Mar, Rosa Quintana, e co delegado territorial da Xunta en Lugo, Javier Arias, supervisou hoxe en Viveiro esta actuación, cuxas obras se están comezando a executar e que inclúen a execución dunha nova condución de vertido submarino. Esta intervención, unida á mellora da depuradora de Viveiro, que xa está a piques de rematar, permitirá completar o saneamento integral da ría.
Ethel Vázquez explicou que os traballos comezaron hai unhas semanas, logo dun longo proceso para conseguir a autorización de Costas do Estado.
As intervencións programadas, nas que a Xunta está a investir preto de 4M€ permitirán solucionar os problemas da rede de saneamento do núcleo de Celeiro, incorporando as súas augas á depuradora de Viveiro e renova o emisario actual, executando unha nova condución de vertido submarino.
Segundo explicou, agora mesmo Celeiro conta cunha rede de saneamento unitaria, que recibe as augas residuais urbanas, pluviais e as de orixe industrial, que reciben só un tratamento primario na mesma zona que a depuradora de Viveiro. Isto provoca que a auga tratada pola estación depuradora de augas residuais se mesture á saída coa auga simplemente pretratada de Celeiro, incumprindo os parámetros de vertido.
A titular do departamento de Infraestruturas e Mobilidade apuntou que para resolver esta deficiencia do saneamento municipal de Viveiro executarase un bombeo cun tanque de tormentas de 650 m³ de volume útil, que substituirá o actual bombeo de pretratamento de Celeiro e desde o que se impulsará a auga cara á depuradora.
Ademais, estase a construír unha nova condución submarina que conectará co actual tramo terrestre e que funcionará por gravidade a través dunha cámara de carga situada a continuación da desinfección da estación depuradora de augas residuais.
Ethel Vázquez apuntou que as obras de mellora do saneamento de Celeiro, coas que a Xunta apoia ao Concello de Viveiro nunhas competencias de saneamento e depuración que lle son propias, están a avanzar a bo ritmo.
Precisou que nestas primeiras semanas xa se pode ver o avance na rede de Celeiro, onde se colocaron 75 m de tubaxe e dous pozos de rexistro; e no emisario submarino, ademais do traballo previo de inspección, construción e soldaxe de pezas, realizouse xa o lanzamento e fondeo dos dous primeiros treitos do novo emisario, que suman máis de 300 metros. A curto prazo continuarase co lanzamento, ata acadar o total de 858, coa dragaxe do fondo mariño e iniciarase a obra do depósito de retención.
No que se refire á mellora da depuradora de Viveiro, Ethel Vázquez incidiu na necesidade de mellorar esta infraestrutura municipal, que é clave para cumprir parámetros de calidade da auga que se verte á ría de Viveiro, e con isto, favorecer todas as actividades vencelladas ao mar: a pesca, a acuicultura, o turismo.
A Xunta está a investir outros 4 M€ nesas obras de ampliación da planta, co obxectivo de aumentar en case un 50% a súa capacidade de tratamento para que poida asumir as augas do núcleo de Viveiro, pero tamén incorporar as de Celeiro.
Ethel Vázquez fixo fincapé no avance desta actuación, que está ás portas do seu remate, coa obra civil practicamente rematada e ultimándose a montaxe dos equipos. Nestes momentos o novo pretratamento xa está funcionando, recibindo as augas procedentes de Celeiro, mentres que o novo tanque e o tratamento terciario están rematados e pendentes da ampliación de potencia.
Tamén detallou que a urbanización está moi avanzada, restando o cruzamento da estrada autonómica coa impulsión procedente de Viveiro, que rexistrará un gran avance na próxima semana, polo que ao longo do mes de outubro terase completamente finalizada a mellora da depuradora, que precisará dun mes máis para a posta en marcha, concretou.
Ethel Vázquez salientou que este conxunto de actuacións da Xunta, cofinanciadas pola Unión Europea a través do Fondo Europeo de Desenvolvemento Rexional, no marco do programa operativo FEDER Galicia 2014-2020, constitúen unha boa nova, xa non só para os veciños de Viveiro, senón tamén para os profesionais do mar, representados hoxe na visita ás obras polo patrón maior e polo secretario da confraría.
A conselleira do Mar, pola súa banda, puxo en valor as actuacións que está a realizar a Xunta en Viveiro para mellorar o saneamento na ría pois contribúen a mellorar a calidade das augas en beneficio dos profesionais do sector marítimo-pesqueiro e do conxunto da cidadanía. As obras desenvolvidas neste eido polo Executivo galego desde 2009 permitiron mellorar a clasificación microbiolóxica de moitas zonas de produción do litoral de Galicia facilitando así o labor dos profesionais do mar.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
