O delegado territorial de Lugo, Javier Arias, explica que o Goberno galego renovou as carpinterías exteriores dos CEIP O Salvador e de Bretoña, ademais de illar as cubertas, instalar iluminación LED e incrementar a accesibilidade en ambos colexios
A Pastoriza, 11 de outubro de 2022. A Consellería de Cultura, Educación, FP e Universidades executou obras de mellora da eficiencia enerxética no CEIP O Salvador e o CEIP de Bretoña, no concello da Pastoriza, ás que destinou 438.000 euros -229.300 euros no caso do primeiro e 208.700 no segundo-.
O delegado territorial da Xunta, Javier Arias, comprobou hoxe o resultado dos traballos realizados en ambos centros, entre os que destaca a substitución de portas e ventás exteriores por outras de carpintería de aluminio con rotura de ponte térmico e vidros de dobre acristalamento baixo emisivos, acústicos, con cámara de aire intermedia e apertura oscilobatente para facilitar a ventilación. Tamén se renovaron as caixas de persianas.
Do mesmo xeito, nos dous casos incorporouse illamento á cuberta e cambiáronse as luminarias por outras tipo LED de menor consumo, con regulación da luz e detectores de presenza.
Tamén se colocaron falsos teitos en aseos, almacéns e cociñas e pintáronse os paramentos interiores afectados polas obras. Ademais, en ambos colexios mellorouse a accesibilidade no exterior, instalando ramplas de formigón con varandas de aceiro.
No caso do CEIP de Bretoña, o proxecto incluíu a colocación de falso teito acústico en aulas, biblioteca e corredores e a substitución de portas no interior do edificio. Pola súa banda, no CEIP O Salvador tamén se instalou falso teito acústico en aulas e biblioteca, así como no comedor e no corredor da primeira planta; e substituíronse baixantes en mal estado.
Arias destacou que estas actuacións enmárcanse dentro do Plan de Nova Arquitectura Pedagóxica de Galicia, que ten por obxecto acadar unhas infraestruturas educativas máis confortables, máis innovadoras e máis sostibles desde o punto de vista medioambiental.
Con cargo a este Plan, a Consellería ten en marcha na provincia de Lugo 31 actuacións¸ que prestan especial atención aos centros dos concellos rurais, e que suman un importe de 16,9 millóns de euros e atópanse en diferentes fases de execución.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
