Patricia Otero esíxelle á Xunta que sexa proactiva fronte a esta nova ameaza que afecta fundamentalmente á flota de palangre de superficie de Vigo, A Guarda, Marín e Burela
Santiago de Compostela, 18 de outubro de 2022. O Pleno do Parlamento aprobou hoxe a proposta socialista para reclamarlle á Xunta unha “actitude proactiva” para reverter a restrición á pesca de quenlla, que prexudica á flota palangreira de superficie de Vigo, A Guarda, Marín e Burela. A portavoz de Pesca do Grupo Socialista, Patricia Otero, presentou esta iniciativa diante da votación no Pleno do Parlamento Europeo para incluír este escualo no listado de especies ameazadas Cites.
Otero advertiu que esta decisión, por iniciativa de Panamá e en contra de criterios científicos, do sector pesqueiro e do goberno de España, suporía entre outras cousas esixir un certificado para a súa comercialización, “con todos os problemas e cargas burocráticas que supón”. Advirte que o argumento para incluír á quenlla ou tintoreira neste listado parte dun “suposto parecido” con outras especies de escualos que si que poderían estár ameazadas.
A responsable socialista instou ao goberno galego a integrar unha “fronte común para apoiar ao noso sector deste novo ataque”, perpetrado a través dunha decisión proposta outra vez “de xeito unilateral, sen ter en conta ao sector, aos estados membros e aos informes científicos”. Lembra que a quenlla é capturada en alta mar, en pesquerías controladas, e por unha flota palangreira que cumpre escrupulosamente cos requisitos de pesca sostible e respectuosa co medio.
Panamá
Amosou a súa sorpresa polo seguidismo amosado pola UE dunha proposta procedente de Panamá, un país “que non se caracteriza precisamente por ser referente da pesca legal e regulamentada”, pero que quere incluír á quenlla no apéndice II da Convención sobre o Comercio Internacional de Especies Ameazadas de Fauna e Flora Silvestres -CITES-. Esta especie, lembra, non está nin sobreexplotada nin e risco.
O dito apéndice recolle especies que non están necesariamente ameazadas de extinción, pero que poderían chegar a estalo se non se controla estritamente o seu comercio. Sen embargo, o argumento de Panamá é que a quenlla se parece a outras especies que si están ameazadas, malia que o ICCAT afirma que a súa inclusión non contribuirá á conservación das outras 19 especies de escualos en risco.
Texto da iniciativa aprobada hoxe:
-“O Parlamento de Galicia insta á Xunta de Galicia a que demande aos grupos políticos do Parlamento Europeo que rexeiten, na votación do Pleno do Parlamento Europeo, a inclusión da quenlla no apéndice II CITES.
O Parlamento de Galicia insta á Xunta de Galicia a demandar do goberno español que reclame das autoridades internacionais e da Unión Europea o cumprimento do establecido na propia PPC e que calquera decisión sobre a inclusión da quenlla no Apéndice II de CITES se fundamente en informes científicos, na avaliación do impacto socioeconómico e na consulta ás partes interesadas”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
