O remolque con equipamento específico “está abandonado fóra á intemperie, o que supón risco de deterioro” e, aínda por riba, “ocupando nunha beirarrúa”
A Fonsagrada, 27 de outubro de 2022. O voceiro do PP da Fonsagrada, Jose Regueiro, lamenta “a falta de xestión e de coidado do material do Concello por parte do goberno local”. Neste caso, advirte do “desprezo ao material para emerxencias” ao comprobar que o remolque especificamente equipado para este tipo de traballos do que dispón o Concello da Fonsagrada e que supuxo unha achega da Xunta de máis de 16.000 euros “está abandonado fóra á intemperie, o que supón un risco para o seu deterioro; e, aínda por riba, situado nunha beirarrúa, ocupando un espazo público dirixido á circulación dos peóns”.
Regueiro chama a atención ao goberno local socialista ante este tipo de accións que demostran “o pouco que lles interesa xestionar correctamente os recursos municipais”. Neste caso, o popular advirte da importancia de conservar en bo estado este material que é fundamental para que o Concello -que se ten que facer cargo da xestión de emerxencias unha vez desmantelado o Grupo de Emerxencias Supramunicipal (GES)- poda actuar con maior efectividade ante determinadas e diversas necesidades. O popular subliña que “non é de recibo descoidar este material deste xeito porque incluía equipamento que se poden estropear”.
Os populares xa teñen condenado en numerosas ocasións “a deixadez total e absoluta” do goberno local socialista en materia de seguridade cidadá: o desmantelamento do Grupo de Emerxencias Supramunicipal (GES), a falta dun axente de policía local e, agora, a falta de coidado deste material.
O popular lembra tamén que “o Grupo Municipal Popular ten proposta a elaboración dun inventario de maquinaria municipal porque o goberno local debe levar un control do seu estado, do seu uso e, en xeral, debe xestionalo de forma eficiente”.
Apoio da Xunta ao Concello en materia de emerxencias
A Xunta de Galicia colabora cos Concellos en materia de emerxencias repartindo, de forma periódica material para que as administracións locais, dentro das súas competencias, poidan responder con garantía en casos de emerxencia.
O Concello da Fonsagrada recibiu nos últimos 9 anos material por valor de máis de 56.000 euros.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
