Foz, 28 de outubro de 2022. O alcalde de Foz, Fran Cajoto, pide “respecto e un mínimo de dignidade” ao voceiro do Partido Popular, Javier Castiñeira, que trata de “infundir medo aos traballadores e usuarios da residencia de maiores”.
“No goberno municipal estamos fartos das falsas aseveracións do voceiro do Partido Popular, o señor Castiñeira. Aproveitou o debate dunha modificación do expediente da licitación do Servizo de Axuda no Fogar no pleno deste xoves para, unha vez máis, tratar de infundir medo aos traballadores e aos usuarios da residencia de maiores e centro de día de Foz”, manifesta Fran Cajoto, quen de forma rotunda recalca que “xestione a residencia o Concello de Foz ou a Xunta de Galicia, que é a quen lle corresponde, os traballadores teñen o seu dereito de subrogación asegurado e os usuarios van continuar aquí”. O alcalde aclara que “a situación é que no mandato municipal de Castiñeira asinouse un convenio coa Xunta de Galicia para que o Concello xestionara a residencia, convenio que remata en xaneiro e no que non se prevé ningunha prórroga máis alá dos catro anos. A Xunta ten que licitar o servizo, ten que exercer as súas competencias e o señor voceiro do Partido Popular debería deixar de lavarlle a cara á Xunta”.
O Concello de Foz informa que en novembro do 2020 levouse a pleno a ampliación dos dous anos previstos por contrato para o máximo de catro que marcaba o convenio. Acordouse por unanimidade do pleno, incluído o voto favorable do señor Castiñeira, “que unha vez rematada a prórroga autorizada mediante o presente acordo e finalizada a vixencia do Convenio de Colaboración entre o Consorcio Galego de Servizos de Igualdade e Benestar e o Concello de Foz para a xestión do fogar residencial e centro de día do Concello de Foz, o servizo de Residencia e Centro de Día de Foz pasará a ser asumido polo citado consorcio. Os usuarios van pagar no Consorcio como máximo o 80% da súa pensión, non sei que problema lle ve o voceiro do Partido Popular”.
“Estamos absolutamente indignados coa forma de proceder do voceiro do PP, instalado nunha espiral de intento de sabotaxe ás accións do goberno. Non só denunciou e intentou bloquear no xulgado a encomenda a Tragsa para o aglomerado do cemiterio de Foz, que agora poden desfrutar veciñas e veciños, senón que continúa atrancando todo o que teña que ver coa Xunta de Galicia. Non nos axudou tampouco, aínda que llo pedimos en varias ocasións, coa tramitación ante Augas de Galicia da legalización da captación de Cordido; non lle interesa o máis mínimo”, explica Cajoto.
“No goberno estamos profundamente preocupados coa falta de capacidade da residencia de Foz, trasladámosllo á Conselleira de Política Social e Xuventude en diversas ocasións. No mes de agosto deste ano tiñamos 124 persoas en lista de agarda, cando na residencia só dispoñemos de 40 prazas. Isto significa que se nos apuntamos hoxe na lista de agarda da residencia, teremos que esperar de media 25 anos para obter praza. 25 anos! Se solicitamos praza con 75 anos entrariamos ao cumprir os 100. Necesitamos de forma urxente unha ampliación das instalacións, cuadriplicar a súa capacidade. Este é o gran drama e o gran problema da residencia de Foz”, remata o alcalde.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
