O voceiro, Jose Luís Regueiro, cre que “se deberían ofertar tamén parcelas algo máis pequenas” e bota en falta “un plan de acción e de financiamento por parte do Concello”
A Fonsagrada, 10 de novembro de 2022. O compromiso e apoio do Grupo Municipal Popular para o desenvolvemento dunha área industrial na Fonsagrada “é firme, como vimos expresando dende o inicio deste mandato”, segundo expuxo o voceiro, José Luis Regueiro, no último pleno da corporación municipal. É por iso polo que os populares votaron a favor da aprobación inicial do proxecto de urbanización do polígono industrial no Concello de A Fonsagrada e do proxecto de execución dunha glorieta na intersección entre a LU-530 e a LU-P-1901 para darlle acceso; así coma solicitar a cooperación da Deputación de Lugo. Trala súa aprobación inicial, por unanimidade, os proxectos exporanse ao público durante un período dun mes.
Con todo, o Grupo Municipal Popular amosou o seu rexeitamento á proposta da alcaldía sobre o financiamento do proxecto. “Tendo en conta que a aportación doutros Concellos que tiñan asinados convenios con Suplusa -que era unha entidade pertencente á Deputación de Lugo- era de 0 euros, non podemos estar de acordo coa negociación entre o goberno local e o goberno da Deputación porque lle suporía ao Concello aportar en tres anos o 20% do total do custe do proxecto, é dicir, 540.000 euros”.
En relación ao desenvolvemento desta área industrial, os populares lamentan que “a información sobre este proxecto nos chega a conta gotas. Non tivemos información de ningún tipo sobre a negociación dos terreos e o proxecto ata a última comisión extraordinaria de asuntos plenarios, onde se nos expuxo o proxecto final e, polo tanto, sen ter a posibilidade de facer aportacións”.
O voceiro amosouse crítico co tamaño das parcelas que son resultado “dun copia e pega do plantexamento do PXOM que recolle 13 parcelas: 11 de 1.425 metros cadrados, unha de 760 e outra de 1.050. Parécenos que en núcleos de poboación coma o da Fonsagrada sería interesante ofertar tamén un tamaño máis pequeno que pode ser máis acorde coas necesidades empresariais da zona”.
Igualmente, Regueiro bota en falta un plan de financiamento adecuado por parte do Concello. “O que será determinante e marcará o futuro da polígono industrial da Fonsagrada será o prezo de venda das parcelas; así coma o plan de acción e motivación empresarial que debe deseñar o Concello da Fonsagrada ligado a este proxecto”, engade.
FALTA DE PREVISIÓN DO GOBERNO LOCAL
O voceiro popular tivo oportunidade durante o pleno ordinario deste martes de comprobar “a falta de traballo e dunha adecuada xestión por parte do goberno local” porque así o demostra “a súa falta de previsión en determinadas cuestións”. É o caso do cambio de uso da parcela na que se ubican as pistas de pádel construídas con cargo ao Plan Único do 2021 e que “o goberno municipal levou ao pleno unha vez finalizadas as obras”.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
