Nota de Prensa
A PRAIA DO PORTELO ACOLLERÁ O VINDEIRO SÁBADO O DÍA DO MAR QUE ORGANIZA O CONCELLO A TRAVÉS DA SÚA DELEGACIÓN DE MAR.
Burela, 17 de agosto de 2010. A praia de O Portelo acollerá o vindeiro sábado 21 de agosto o día do mar que organiza o Concello de Burela, a través da súa Delegación de Mar.
Remedios López continúa así coas actividades que leva desenrolando ao longo de todo o verán para formar, e dar a coñecer Burela, a súa gastronomía e os seus encantos mariñeiros. A edil socialista explica que “nesta ocasión, como o ano anterior, queremos facer unha homenaxe a todos os veciños e turistas de Burela que utilizan as fermosas praias do noso concello na temporada estival, dedicando un día do verán ao deporte e á diversión acuática”.
O sábado día 21 de agosto en horario de mañá de 11 a 14 horas e en horario de tarde de 16 a 19 horas haberá na praia do Portelo multiactividades acuáticas gratuítas. A concelleira de Mar sinala que “dependendo da osadía dos nosos veciños, poderemos ver a nenos, chavales e maiores disfrutando de esqui acuático, inchables, donus acuático, padel, surf, motos de auga e xogos acuáticos como xincanas, baloncesto…”.
A Concellaría de Mar contratará “unha empresa que traerá monitores especializados que ensinarán e axudarán a desenvolver ditos deportes. A novidade para este ano con respecto ao ano anterior serán as bolas acuáticas. Son bolas de plástico transparentes onde colle unha persoa no seu interior e se despraza por encima do mar”. Remedios López lembra que “estas actividades están limitadas aos nenos de 6 anos, é condición indispensable saber nadar e deberanse de apuntar previamente no Concello de Burela para poder participar e organizar grupos. Igual que o ano anterior serán totalmente gratuítas para a poboación. Animo a todos os veciños a disfrutar deste día colaborando e participando nalgún deporte pouco usual nas nosas praias”.
O alcalde de Burela, Alfredo Llano, e a concelleira de Mar, Remedios López, presentaron hoxe esta actividade.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
