Coa obra da Pampillosa Costas destina preto de 1,5M€ en Foz, pois ten en marcha os proxectos para a dotación dunha senda peonil entre as praias de Peizás e A Pampillosa e novas actuacións na praia de Llas
Foz, 29 de novembro de 2022. A subdelegada do Goberno en Lugo, Isabel Rodríguez, supervisou hoxe no Concello de Foz os traballos de conservación e mantemento que está a realizar o Ministerio para a Transición Ecolóxica e o Reto Demográfico na praia da Pampillosa, na parroquia de Fazouro. Acompañada do alcalde de Foz, Francisco Cajoto, e do xefe provincial do Servizo de Costas, José Miguel Estevan, informou que estas obras contan cun investimento de 80.000 euros e teñen como obxectivo recuperar o sistema dunar desta praia da Mariña.
Isabel Rodríguez destacou que estas novas actuacións confirman o apoio do Executivo Central á posta en valor dos concellos da Mariña. “Trátanse de enclaves fundamentais para o turismo e a economía da nosa provincia, por iso, dende o Goberno estamos a executar melloras nas paraxes naturais da costa co fin de ofrecer o mellor servizo posible e garantir a seguridade aos miles de usuarios e turistas que fan uso das praias da Mariña durante todo o ano”, manifestou a subdelegada.
Neste sentido, Isabel Rodríguez explicou que os traballos consisten na demolición de aproximadamente 2.000m2 dos pavimentos de formigón e a renovación da pasarela de madeira por unha nova que conectará o acceso á praia coa senda existente. Ademais, as obras complétanse coa plantación de especies dunares autóctonas e a instalación de sinalización e paneis divulgativos. Ditos traballos prevese que estean rematados a principios do 2023.
“Estas actuacións demostran o firme compromiso do Goberno por impulsar obras de protección e rexeneración do litoral da provincia de Lugo”, afirmou Rodríguez que subliñou que “con estas melloras atendemos unha demanda dos veciños e veciñas de Foz. A este respecto, a subdelegada quixo destacar a colaboración do alcalde para a culminación de este e outros proxectos co obxectivo de seguir mellorando o municipio mariñán.
Case 1,5M€ en proxectos para a costa de Foz
A subdelegada lembrou que esta obra na praia da Pampillosa non é a única que o Goberno contempla executar no Concello de Foz. Así, informou que o Servizo de Costas ten en marcha o proxecto de obtención de espazos públicos para uso público e a dotación dun sendeiro peonil entre as praias de Peizás e A Pampillosa. Actualmente, está en fase de licitación cun orzamento de 1 millón de euros e prevese a creación dun sendeiro de 1.600m2 que permitirá o peche definitivo do paseo xa existente pola costa, entre a praia dos Fondás, na ría de Foz, e o interior da ría do Ouro. I
Igualmente, o Goberno efectuará diversas melloras na praia de Llas, cun investimento de 400.000 euros. Concretamente, a eliminación de especies exóticas e a restauración con autóctonas, a colocación de paneis informativos e o encanamento do afluente central da praia mediante pilotes de madeira para evitar a erosión. Por outra parte, o proxecto inclúe a execución dunha nova pasarela de madeira na zona central da praia e un aparcamento co fin de mellorar o estacionamento e accesibilidade da mesma.
“En total, destinamos preto de 1,5 millóns de euros para poñer en valor a costa de Foz, traballando de forma constante no coidado e mellora do litoral, ao tempo que xeramos riqueza económica, emprego e prosperidade”, manifestou Rodríguez.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
