Pide á Administración autonómica adoptar as medidas oportunas para cumprir coas súas obrigas en materia de prevención de riscos laborais, de valoración da carga de traballo e a avaliación dos riscos dos postos de traballo, non só dos médicos de Atención Primaria e de pediatría, senón do conxunto dos profesionais do sistema
Lugo, 23 de decembro de 2022. Os socialistas denuncian as condicións laborais do persoal sanitario pola carga de traballo que están soportando os facultativos, unha situación que “vén de confirmar unha sentencia xudicial na que se sinala que se vulneran eses dereitos, así como as consecuencias do desmantelamento deste servizo público”.
Por iso, o Grupo Socialista na Deputación de Lugo defenderá no vindeiro Pleno ordinario, que terá lugar o martes día 27 de decembro, unha moción para instar á Xunta a que cumpra a sentencia 05354/2022 do TSXG, co fin de adoptar as medidas oportunas para cumprir coas súas obrigas en materia de prevención de riscos laborais, de valoración da carga de traballo e a avaliación dos riscos dos postos de traballo, non só dos médicos de Atención Primaria e de pediatría, senón do conxunto dos profesionais do sistema público sanitario de Lugo e Galicia.
Dende o PSdeG denuncian que dende “a chegada do Partido Popular á Xunta fixo caso omiso das reiteradas queixas e reclamacións dos profesionais sanitarios relacionadas coa situación da sanidade pública e as condicións de sobrecarga do seu traballo. Unhas condicións que resultan especialmente graves nos servizos de Pediatría e Atención Primaria, que teñen sufrido dun xeito especialmente agudo o resultado das políticas de recortes de persoal e mala xestión levadas adiante polos sucesivos gobernos populares”.
A Xunta non reacciona
Hai que lembrar que a situación, que xa era mala, “agudizouse a partires do ano 2020, por mor da pegada da pandemia, que trouxo unha carga de estrés engadido a servizos que xa estaban infradotados e traballando ó límite”. As observacións dos representantes de sindicatos médicos e de enfermería; as testemuñas dos profesionais recollidas polos medios de comunicación; e as manifestacións en defensa da sanidade pública e reclamando condicións dignas de traballo para os profesionais “non fixeron reaccionar ós responsables políticos do Sergas e da Consellería”, advirten.
Unha sentencia que dá respaldo xurídico ó que xa era un clamor social
O Grupo Socialista da Deputación de Lugo leva adicado unha boa parte da súa actividade durante este mandato a presentar propostas en defensa da sanidade pública e os seus profesionais, “nomeadamente no rural”. “Propostas que non tiveron nunca nin acollida nin resposta positiva por parte da Xunta. Por iso, o Grupo Provincial Socialista celebra o fallo dunha sentencia que vén dar respaldo xurídico ó que xa era un clamor social”, inciden.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
