Ribadeo, 27 de decembro de 2022. O Concello ven de pedir unha subvención ao abeiro dos fondos NextGenerationEU e do mecanismo de recuperación e resiliencia do Regulamento (UE) 2021/241 co fin de crear un centro de interpretación no Forte de San Damián. Chamarase Ribadeo cara ao mar.
A concelleira de Obras, Mónica Freire, dixo que “dende o Concello de Ribadeo eliximos o forte de San Damián para a instalación dun Centro de Interpretación, pola súa importancia histórica e cultural, declarado en 1949 como BIC (Ben de Interese Cultural). Esta construción, situada na boca da ría a poucos metros do Cargadoiro, é o mellor exemplo da arquitectura militar de Ribadeo”.
A edil ribadense manifestou que “ademais, no ano 2024 faranse 400 anos da súa existencia, unha efeméride que será obxecto de celebración con diferentes actividades por parte do Concello de Ribadeo”.
Freire Rancaño subliñou que “o principal obxectivo deste proxecto é desenvolver e difundir o coñecemento do patrimonio cultural, histórico, natural, inmaterial e arqueolóxico do Concello de Ribadeo vinculado ao mar. Con este fin exporase a materialización dun espazo onde se poña en valor o devandito patrimonio e que, paralelamente, permita asomarnos á valiosa contorna natural e cultural onde se localiza”.
Pilar Otero, a concelleira de Cultura, indicou que “preténdese concienciar aos habitantes do municipio e a todo aquel que visite o centro de que protexer, conservar e valorar a importancia do noso patrimonio e paisaxe cultural é algo vital para ser capaces de transmitir o legado dos nosos antepasados ás xeracións vindeiras. O proxecto ten unha clara vertente cultural e educacional, xa que estamos convencidas de que este centro de interpretación contribuirá a fomentar o interese local polo patrimonio, facendo partícipes da súa singularidade patrimonial a todas as persoas, sen distinción de idade ou nivel formativo”.
O concelleiro de Turismo, Pablo Vizoso, contou que “a partir da nosa proposta patrimonial buscaremos contribuír ao desenvolvemento económico da zona mediante a potente industria cultural, impulsando novas propostas de atractivos turísticos que poidan incrementar a visita potencial de persoas procedentes doutros lugares e que reverta economicamente, de maneira indirecta, nos comercios locais. Para iso, promoveremos a elaboración de programas culturais de colaboración entre os comerciantes e os hostaleiros do municipio para a súa participación en actividades propias deste centro”.
Vizoso Galdo engadiu que “con esta proposta pretendemos ser a semente doutros moitos proxectos sociais e turísticos futuros. Os nosos obxectivos sempre van encamiñados a que sexa un espazo sostible social e economicamente, xa que procuraremos que este proxecto teña continuidade no tempo”.
Pilar Otero explicou os eixos deste proxecto: “tres eixos centrais vertebrarán o centro de interpretación Ribadeo cara o mar, sendo cada un deles o protagonista dunha sala. A Sala 1: Patrimonio Subacuático Ribadeo, A Atapuerca Galega; A Sala 2: Ribadeo Ilustrado, as sendas do pasado comercial; e a Sala 3: Ribadeo Indiano, Alén do tempo. Outro dos eixos expositivos principais é o que xira entorno ás tarefas vinculadas ao mar”.
O edil de Turismo indicou que “con este centro de interpretación materializamos, unha vez máis, a forma de traballar e as liñas estratéxicas que durante tanto tempo seguiu firmemente este goberno, tendo claro a nosa esencia, aquilo que nos diferenza e nos fai únicos, mais tamén o noso público obxectivo, un turismo de calidade concienciado co patrimonio natural e cultural, respectuoso coa idiosincrasia de cada pobo, sendo este proxecto un paso máis cara a un turismo sostible”.
Ata o Forte de San Damián se desprazaron os concelleiros de Cultura, Obras, Turismo e Medio Ambiente, Pilar Otero, Mónica Freire, Pablo Vizoso e Jorge Díaz.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
