A iniciativa do BNG abre a porta á elaboración da lei do litoral coa intervención de organismos de ámbito cultural, pesca e marisqueo, ecoloxistas e organizacións empresarias e sindicais
Santiago de Compostela, 13 de xaneiro, 2023. O BNG rexistra no Parlamento galego unha proposición non de lei, polo trámite de urxencia e que será defendida polo deputado nacionalista, Luís Bará co fin da acadar un posicionamento da Cámara galega sobre o anteproxecto de lei de Ordenación do litoral.
Na proposta a forza nacionalista solicita establecer, como mínimo, un período de “tres meses” para que os concellos e diversos organismos, sectores produtivos, sociais, académicos, empresariais, ecoloxistas e sindicais poidan participar no anteproxecto e intervir no seu contido.
O parlamentario do BNG, Luís Bará lembra que o pasado luns 19 de decembro o DOG publicou o anuncio da Consellaría de Medio Ambiente, Territorio e Vivenda polo que “se somete a información pública o anteproxecto de Lei de ordenación do litoral de Galiza, cun prazo dun mes que remata o día 20 de xaneiro de 2023”.
O nacionalista salienta que grande parte do período de información pública coincidiu coas datas navideñas, circunstancia que dificultou a participación dos sectores e colectivos afectados.
O anteproxecto de lei, explica Bará é unha “norma de especial transcendencia e complexidade, na que se inclúen aspectos económicos, produtivos, sociais, de identidade, patrimoniais, paisaxísticos, ambientais, urbanísticos e de ordenación do territorio que afecta a un gran número de sectores interesados no contido da nova lei como: a cadea mar industria, pesca, marisqueo, acuicultura, turismo, ambiente, ecoloxismo, patrimonio cultural, investigación, universidade, a arquitectura ou urbanismo.
Na súa opinión, resulta imprescindible “ promover un amplo proceso de participación e debate social” sobre os obxectivos, as competencias, os instrumentos e as estratexias previstas nesta norma. Nesta liña, o BNG demanda na Cámara galega, abrir “un proceso de participación social e institucional de un período mínimo de tres meses”, para promover a intervención dos concellos, a través da FEGAMP, organismos de ámbito académico e universitario relacionados co mar e a costa, Consello da Cultura Galega, organizacións ecoloxistas e de custodia do territorio, Consello Económico e Social, cadea mar-industria, centros de investigación de pesca acuicultura e marisqueo e organización vinculadas ao patrimonio do mar e a costa como a carpintería de Ribeira.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
