Burela, 13 de enero de 2023. A comunidade das Fillas do Divino Celo – Rogacionistas fai balance da actividade e ocupación do seu Centro de Día de menores, a súa Casa de Familia e o seu Centro de Acollida e Inclusión Social durante o exercicio 2022, un ano moi especial para a Casa, xa que se cumpriron vinte anos das obras sociais en A Mariña. Durante estas dúas décadas de traballo, saíron adiante grandes proxectos, superando un innumerable número de vicisitudes, incluíndo, como non, os anos de pandemia que teñen alterado tanto as nosas vidas. A tarefa continúa e a comunidade relixiosa, cun gran equipo de profesionais ao seu carón, mira con fe e optimismo cara ao futuro.
Centro de Día de Menores San Aníbal
Polo que se refire ao Centro de Día de Menores, ao longo do ano que finalizou, foron atendidos 36 usuarios (12 rapazas e 24 rapaces), con idades comprendidas entre os 3 e os 17 anos. A meirande parte destes rapaces son de nacionalidade española (31), pero tamén os hai (5) de nacionalidades caboverdiana, nixeriana, ecuatoriana e peruana. É certo que a procedencia das familias destos usuarios reflexa a realidade de Burela e a súa comarca, con orixe en España, Marrocos, Ecuador, Nixeria, Honduras, Senegal, Portugal, Cabo Verde, Uruguai, Perú, Romanía e Madagascar.
Os 36 usuarios que tivo o Centro durante o pasado ano repártense entre os concellos de Burela, Foz, Ribadeo, Cervo e Ferreira do Valadouro.
En canto ao grao de ocupación deste Centro de Día, que conta con vinte prazas concertadas para a atención de rapaces e mozos de 0 a 18 anos, cabe decir que, durante o exercicio 2022, tivo unha sobreocupación lixeiramente superior ao 44%.
Casa de Familia San Aníbal
Este fogar funcional de protección de menores que se atopan en situación de Garda ou Tutela Pública pola Xunta de Galicia atendeu ao longo do ano 2022 a 14 usuarios (6 rapazas e 8 rapaces, entre os seis e os vinte anos de idade). O total de usuarios é de nacionalidade española, mentras que entre as súas familias, aínda que de procedencia maioritariamente española, tamén as hai de orixe brasileiro, dominicano, marroquí e portugués. Entre os concellos de onde veñen estos menores, están Foz (con 7 usuarios), Burela, Viveiro, Ribadeo, Antas de Ulla e Ferrol.
É oportuno citar os motivos que teñen levado a estos 14 usuarios á situación de tutela administrativa: abandono familiar (6 casos), problemas de conducta no menor e dificultade da familia para afrontalos (3), violencia de xénero e/ou violencia intrafamiliar (2), enfermidade grave no núcleo familiar (2) e, por último, dificultades para afrontar o cuidado dos menores (1 caso).
A Casa Familia, que dispón de oito prazas, tivo no cómputo global do ano unha sobreocupación do 4,7%.
Centro de Acollida e Inclusión Social María Nazarena
Baixo o programa de acollida temporal adicado preferentemente a mulleres con fillos menores ao seu cargo e en situación de vulnerabilidade, o Centro María Nazarena atendeu a tres familias ao longo do pasado ano: dous destas familias estaban compostas por madre con fillo ou filla menor ao seu cargo, e unha terceira compoñíaa un home con fillo menor ao seu cargo. As familias eran de nacionalidade española, costarricense e dominicana, e viñan dos concellos de Foz, Vilalba e Viveiro.
Partindo do obxectivo inicial de cubrir as necesidades básicas de aloxamento e manutención destas familias, o Centro facilita a estos usuarios orientación e apoio a nivel xurídico, laboral, educativo, sanitario e social; facendo, deste modo, máis doada a súa integración na sociedade, e fomentando, ademais, a súa autoestima e independencia.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
