Os populares din que, a día de hoxe, “o único que teñen os veciños é propaganda e promesas incumpridas”
Foz, 13 de xaneiro de 2023. Que o goberno local de Foz sempre chega tarde, mal e arrastro á solución dos problemas xa é algo sabido despois do tempo que leva o socialista Cajoto á fronte do Concello. A guinda a esta maneira de actuar pona a súa xestión para as rotondas de Cangas. O portavoz popular, Javier Castiñeira, di que “o Partido Popular de Foz e os veciños de Cangas estamos absolutamente indignados porque despois de case catro anos de goberno anúnciase agora o inicio das obras das rotondas de Cangas; en catro anos no se fixo nada”. Lembra que “no ano 2018, o anterior goberno local xa iniciara o proceso; estaban preparados os anteproxectos”. Pero “co cambio de goberno, paralizouse todo”.
Os populares queren que o alcalde dea resposta a pregunta “de por que leva máis de tres anos parada esa obra”. Ademais queren saber se o que se pretende executar están consensuado cos veciños, se estes están conformes, “porque non vaia ser que quede peor o amaño que como estabamos”. Os populares aseguran que “moitos veciños de Cangas non saben moi ben como se vai resolver”.
Castiñeira declara: “Ao señor Cajoto temos que dicirlle, primeiro, que vai tarde, porque non fixo nada en tres anos; isto era prioritario para o anterior goberno”. Tamén destaca que “faise sen a participación dos veciños, que van ser os máis afectados e que dubidan, aínda agora, como se van executar esas rotondas”.
En resumen, Castiñeira recomenda a Cajoto “menos loas e máis responsabilidade, porque estase a prexudicar a mobilidade dunha parroquia que leva tres anos esperando pola solución e a día de hoxe só ten propaganda e promesas incumpridas”. Os populares, di Castiñeira, “non vemos de recibo que hoxe, na parroquia na que se está buscando un veciño moi querido, o alcalde estea máis preocupado da propaganda electoral”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
