Burela, 20 de xaneiro de 2023. O alcalde, Alfredo Llano, fixo un balance moi positivo da presentación da Feira Expomar, que tivo lugar na tarde de onte na Casa de Galicia en Madrid.
O rexedor e presidente da Fundación Expomar dixo que “a presentación de Expomar foi un acto concorrido, cubriuse todo o aforo e houbo representantes das administracións e de diferentes colectivos do sector”.
Llano subliñou que “fixemos unha defensa total do sector náutico pesqueiro para que estea vivo, resista e siga tendo unha repercusión socioeconómica e cultural, que manteña o emprego e o aporte de alimentación sa, como son as especies que se pescan en alta mar, que son animais salvaxes con todos os nutrientes e todas as vantaxes que ten comer peixe fresco”.
O alcalde burelés sinalou que “a feira Expomar é necesaria e serve para motivar ao sector, que se xunta e permítelle ver a vangarda e os avances tecnolóxicos, que imos ter moitos nesta edición, que é a décimo novena. Ademais nas xornadas técnicas analizarase a normativa actual”.
Alfredo Llano manifestou: “queremos que esta edición de Expomar sexa moi representativa e que conte coa participación de moitos stands, para o que ampliamos a superficie case 1.000 metros máis, de 4.000 a 5.000 aproximadamente. Vemos aos expositores animados e xa temos moitos confirmados. Tamén faremos unhas xornadas técnicas acordes coa problemática actual e o encontro empresarial é unha referencia clara da opinión do sector, o que pode repercutir en como hai que actuar para que se conserve a actividade náutico pesqueira como algo sólido”.
Para o alcalde e presidente da Fundación Expomar “foi unha boa idea facer esta presentación en Madrid porque así démoslle unha maior dimensión e aumentamos as posibilidades de dar a coñecer Expomar, que é unha das mellores feiras do sector de todo o país. E o acto cubriu totalmente as nosas expectativas”.
A Feira Expomar terá lugar do 10 ao 13 de maio en Burela.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
