Foz, 21 de xaneiro de 2023. O Concello focego e a asociación O noso Foz anuncian que a cea de coroación da raíña do Entroido celebrarase o día 11 de febreiro e a Festa do Berberecho será o 15 de abril.
A concelleira de Cultura, Inés López Couto, explica que “a comisión de festas O noso Foz e o Concello están inmersos nos preparativos do próximo Entroido. É unha das festas máis importantes do municipio e que despois do ano 2021 e súa edición dixital por mor do COVID19 volveu o ano pasado con restricións, pero de forma segura e, sobre todo, con moito ánimo por parte de participantes e público. Este ano as datas clave desta festividade en Foz son a cea de coroación, que será o dia 11 de febreiro na gran carpa situada na Sala Bahía, como se ven celebrando os últimos anos (atrasada a data debido á celebración do San Blas); a cea de comadres, que será o xoves 16 (organizada polas asociacións Afammer e de amas de casa), tamén na Sala Bahía; o venres 17 celebrarase o día das coplas e o pregón. Este ano o pregón será a cargo de Touporroutou, que conta con máis de trinta edicións e son xa un referente nos domingos despois do desfile co seu humor irónico e o seu escarnio carnavaleiro, de auténtica esencia galega. O sábado 18 chegará o tan ansiado desfile, que este ano modifica o seu percorrido debido ás obras que se están levando a cabo na rúa das Casas Baratas. O domingo 19 será o baile infantil, con xogos e inchables para os máis pequenos e o Touporroutou. O luns 20 o Baile do Farolillo será o protagonista. E o martes 21 volverá haber baile e xogos para os máis pequenos. Péchase o Entroido coa queima, que se realizará o venres 24”.
O primeiro evento é a cea de coroación, na carpa da Sala Bahía o sábado 11 de febreiro ás 21.00 horas. O menú constará de empanada, sopa de cocido, costela asada ao forno, viño, refresco ou auga, e sobremesa e café, cun prezo de 25 euros. As reservas poderán comezarse a facer a partir do luns 23 deste mes e ata o 30 de xaneiro no correo onosofoz@gmail.com. Será necesario indicar o número de comensais cos seus nomes e apelidos, DNI e o nome da mesa. O aforo será limitado. Queda prohibida a revenda de entradas e poderán devolverse ata o 3 de febreiro. Os menores a partir de 14 anos poderán asistir con permiso da nai, pai ou titor/a legal e acompañados dun adulto responsable (deberán entregarse os permisos necesarios á organización). Queda prohibida a entrada a toda aquela persoa que non acuda á cea. A organización agradece que os asistentes acudan disfrazados.
Ángel Fernández Neira, presidente de O Noso Foz, agarda que “volvamos á normalidade total, despois da comida de coroación do ano pasado, coas máximas medidas de seguridade para poder realizala. Este ano volvemos ao formato habitual e esperamos que a xente estea animada para ver o cambio de reinado”.
Inés López Couto engade que “en Foz comezan a escoitarse polas rúas a percusión de tambores e surdos, e o son das turutas, que anuncian unha edición XLI do desfile cargada de maxia e sorpresas. A próxima raíña, Uxía Valmayor Forés, e as súas damas, Iria Sánchez Irimia e Carla Velasco García, recibirán a coroa de Roberto García Lende e os seus cabaleiros durante a cea, que será a antesala do gran programa deste Entroido. Desde a Concellería de Cultura desexamos que todo o mundo desfrute dos actos que estamos a organizar e Foz saia á rúa e se anime a bailar coa música e a cor do Carnaval”.
Por outra parte, a Festa do Berberecho modifica a súa data, pasando ao 15 de abril. “Manterá a súa esencia pero incluirá novidades que realzarán o seu atractivo. Anunciaranse coa saída do seu cartel”, explicou a concelleira de Cultura.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
