No PP din a Cajoto que “escoite máis aos veciños e ao PP e déixese de solucións estrañas; a solución desta rúa e poñer os aparcadoiros en liña e facer así que a zona de circulación desta vía sexa máis ancha que actualmente”
Foz, 30 de xaneiro de 2023. As decisións que se toman á fronte das institucións poden ser, como en todo na vida, acertadas ou desacertadas. Cando se cometen erros, repercuten na calidade de vida dos veciños e, polo tanto, hai que corrixir acertadamente o decidido. Sempre é necesario practicar a escoita activa. Como o alcalde de Foz, o socialista Fran Cajoto, é incapaz de corrixir os seus erros, porque non escoita nin aos veciños nin ao PP, logrou crear considerables inconvenientes aos residentes na Rúa Limoeiros, como destaca o portavoz popular, Javier Castiñeira. Sinala: “Desgraciadamente o señor Cajoto volve facer o ridículo por non escoitar aos veciños nin ao Partido Popular.
Esta vez na Rúa Limoeiros, na que os veciños e o PP (no pleno) denunciamos que a nova estrutura dos aparcadoiros, en batería, nunha vía con espazo de circulación moi estreito, impedía que os veciños puideran estacionar”. Engade: “Diciamos que os aparcadoiros resultaban moi incómodos para os outros vehículos que circulan pola vía porque para aparcar teñen que pasar por riba da beirarrúa. Como o señor alcalde non fai caso de ninguén e a súa tozudez o leva a ter despois solucións verdadeiramente caóticas e ridículas, temos que denuncialo, porque son perigosas”.
Castiñeira explica: “Neste caso, o alcalde puxo uns módulos de formigón nas prazas diante das entradas dos garaxes aos que a xente chama obxectos terrestres non identificados, porque non sabe para que son; ademais son perigosos, porque de noite non se ven e é fácil que quen aparque acabe danando o coche”. O portavoz popular di que “a solución é a que lle dixo o PP, á que lle dixeron os veciños: que elimine as prazas en batería e que as poña en liña, co que conseguirá unha zona viaria moito máis ampla e os aparcadoiros serán de moito máis calidade, que é do que se trata, máis que de cantidade, porque ao lado está aparcadoiros públicos”. Por certo, estes últimos “están cheos de escombro, dende o verán; moitos deles chegan ás traseiras das casas”.
Javier Castiñeira lanza unha mensaxe moi clara ao alcalde: “Señor Cajoto escoite máis aos veciños e ao PP e déixese de solucións estrañas. A solución desta rúa e poñer os aparcadoiros en liña e facer así que a zona de circulación desta vía sexa máis ancha que actualmente”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
