“Queremos lembrarlle a este alcalde do PP que o artigo 14 de Regulamento de organización das entidades locais puntualiza: tódolos membros das Corporacións Locais teñen dereito a obter do Alcalde ou da Comisión de Goberno cantos antecedentes, datos ou informacións obren en poder dos servizos da Corporación e resulten precisos para o desenvolvemento da súa función”
Riotorto, 3 de febreiro de 2023. Os socialistas de Riotorto denuncian os “constantes tisc autoritarios do Alcalde”, que merman a calidade democrática no municipio, ao impedir o acceso a información relativa ao funcionamento do Concello á que teñen dereito os membros da Corporación.
O Voceiro do PSdeG, José García Freije, explica que rexistrou varios escritos. “Concretamente, o día 8 de agosto do 2022, é dicir fai máis de 6 meses, solicitamos acceder ao expediente da Residencia de Maiores, así como ao rexistro de entrada e saída ordinario dos asuntos do Concello”, explicou.
Así mesmo, o pasado 22 de setembro de 2022, “volvemos a presentar outro escrito no Concello, no que requiriamos os anteriores expedientes, e onde ademais deixamos constancia por escrito de que o Concello non estaba realizando as lecturas correspondentes dos contadores do 2º cuadrimestre do ano, polo que se estaba alterando o consumo real nos fogares do municipio”.
Sen embargo, “unha vez, máis atopamos coa calada e a incompetencia política por resposta”, afirmou o Voceiro socialista, quen recalcou que os concelleiros “temos dereito por Lei ao acceso de expedientes para poder desenvolver o noso traballo, pero o Alcalde non sabe pronunciar a palabra democracia, está máis acostumado ás ordenes autoritarias do PP”.
Artigo 14 do Regulamento de organización
Por iso, subliñou, “queremos lembrarlle a este Alcalde do PP que o artigo 14 de Regulamento de organización, funcionamento e réxime xurídico das entidades locais puntualiza: tódolos membros das Corporacións Locais teñen dereito a obter do Alcalde ou da Comisión de Goberno cantos antecedentes, datos ou informacións obren en poder dos servizos da Corporación e resulten precisos para o desenvolvemento da súa función”.
“A Lei ampáranos e temos dereito a preguntar e a solicitar expedientes”
“Polo tanto”, incidiu, “a Lei ampáranos e temos dereito a preguntar, a investigar a solicitar tódolos expedientes que afecten ao noso concello e ao conxunto da veciñanza. Por iso, dende aquí queremos avanzar que non descartamos recorrer ás accións legais que procedan para garantir os nosos dereitos e poder revisar esta documentación. Non imos quedarnos de brazos cruzados, mentres o PP segue a torpedear o traballo da oposición”, incidiu o voceiro.
“Esiximos transparencia e democracia no Concello de Riotorto, porque mentres o Alcalde nin está, nin se lle espera, a veciñanza quere coñecer de primeira man os proxectos e iniciativas que se presentan no Concello. E nós seguiremos traballando para que Riotorto teña saídas e unha senda de futuro”, explican.
Resultou gañador na categoría A, destinada a participantes de até 14 anos, Daniel Franco Fernández. Na categoría B, para maiores de 14 anos, a obra seleccionada foi a presentada por Maite Fernández Cendoya.
O Parque María Cristina da Caridá volverá encherse de oficios, sabores, música e tradición esta fin de semana, días 4 e 5 de xullo.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
