Ribadeo, 7 de febreiro de 2023. O Concello de Ribadeo sacou hoxe a licitación as obras de mellora na rúa Luz Pozo Garza e nun treito de Virxe do Camiño por un importe de 198.772,76 euros. As empresas dispoñen de vinte días para presentar as súas ofertas.
A concelleira de Obras, Mónica Freire, explicou que “o Concello de Ribadeo ven de publicar hoxe a licitación das obras de mellora na rúa Luz Pozo Garza e nun treito de Virxe do Camiño por un importe total de 198.772,76 euros. Esta licitación chega logo de que fai unhas semanas o Concello de Ribadeo e Deputación de Lugo asinaron un convenio extraordinario de colaboración para acometer estas melloras”.
A edil ribadense lembrou que “levamos nestes últimos anos facendo un importante esforzo para mellorar numerosas zonas da nosa vila, nalgúns casos con fondos propios do Concello e noutros casos, como neste, coa colaboración da Deputación de Lugo. Fai unhas semanas asinamos un convenio económico extraordinario moi importante coa entidade provincial para poder agora licitar estas actuacións coas que repararemos a totalidade da rúa Luz Pozo Garza e unha marxe de Virxe do Camiño, a próxima ao Xardín de Indianos e á capela da Virxe do Camiño”.
Freire Rancaño dixo: “as melloras de espazos no centro urbano terán continuidade nestes próximos meses con diferentes actuacións e, entre elas, co acondicionamento destas dúas rúas que son dúas arterias importantes da nosa vila e que se atopaban deterioradas por sucesivas reparacións e fugas”.
A concelleira de Obras indicou que “o proxecto que redactaron os técnicos municipais, duns 200.000 euros de orzamento total, contempla a renovación do pavimento das beirarrúas e a capa de aglomerado de toda a calzada da rúa Luz Pozo Garza, complementando novas tubaxes de abastecemento de auga e nova canalización de saneamento cunha nova rede de alumeado xa fixada con criterios de led. Na rúa Virxe do Camiño, fronte ao Xardín de Indianos, vaise substituír o pavimento existente dunha beirarrúa, que está absolutamente deteriorado e é moi perigoso, e vanse renovar tamén as luminarias existentes e o sistema de alumeado, que se atopa fóra de servizo desde hai anos. Na marxe contra a capela da Virxe do Camiño substituiremos e ampliaremos as beirarrúas existentes, coa colación dunha nova sinalética vertical e horizontal”.
Mónica Freire engadiu que “coa publicación hoxe na Plataforma de Contratos do Estado, as empresas interesadas e que cumpran cos requisitos esixidos, dispoñen de 20 días para presentar as súas ofertas”.
Ata a zona se desprazaron o concelleiro de Economía, Pablo Vizoso, o concelleiro de Medio Ambiente, Jorge Díaz, e a deputada provincial e concelleira de Obras, Mónica Freire.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
