A nova convocatoria por concurso de méritos tamén reforzará o distrito mariñán con novas prazas de medicina de familia para Burela, O Vicedo e Viveiro; e prazas de Pediatría de atención primaria para os concellos de Cervo, Mondoñedo e Viveiro
Santiago de Compostela, 22 de febreiro de 2023. O conselleiro de Sanidade, Julio García Comesaña, anunciou esta tarde no Parlamento de Galicia, que a Xunta de Galicia ofertará 27 prazas médicas, por concurso de méritos, para reforzar a asistencia sanitaria no distrito sanitario da Mariña.
O Executivo galego reforzará os centros de saúde da Mariña con sete novos profesionais -médicos de familia e pediatras-, que se engaden aos sete que xa se incorporaron nos últimos meses, mediante o anterior concurso de méritos. En concreto, a Xunta dotará con senllas prazas de médico de familia os centros de saúde de Viveiro, Burela e Vicedo. Ademais, tamén reforzará os servizos de Pediatría dos centros de Cervo, Mondoñedo e Viveiro, neste último caso, con dous profesionais.
O titular de Sanidade salientou a Xunta está a facer todos os esforzos posible, dentro das súas competencias, para paliar a falta de especialistas en Medicina familiar e comunitaria que sofre o Sistema Nacional de Saúde.
García Comesaña subliñou que a nova convocatoria de prazas por concursos de méritos tamén incluirá 20 novos facultativos, de diferentes especialidades, para o Hospital Público da Mariña. Estes profesionais contarán con praza fixa e, alomenos durante dous anos, permanecerán neste centro hospitalario.
O conselleiro precisou que se reforzará o cadro de persoal do Hospital de Burela con: 4 prazas de medicina interna, 2 prazas de xinecoloxía, 2 prazas de pediatría, 2 prazas de medicina de urxencias; e cadansúa praza nas especialidades de alergoloxía, cardioloxía, cirurxía xeral e dixestiva, hematoloxía, nefroloxía, neuroloxía, psiquiatría, radiodiagnóstico, traumatoloxía e uroloxía.
O titular de Sanidade pechou a súa intervención reiterando que a Xunta está a facer todo o posible para ser parte dunha solución “que require de medidas autonómicas e medidas nacionais”. Así, lamentou as votacións en contra dos grupos da oposición ante ás medidas propostas polo Executivo galego, como é o caso da ampliación das prazas MIR, ou a flexibilización dos criterios das unidades docentes de formación na especialidade de medicina de familia.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
