Si. Hoxe é o día seguinte ao Día Internacional da Muller. O día da resaca das manifestacións, reivindicacións, manifestos, etc. E hoxe que?
Hoxe seguimos levantándonos a traballar, as que temos a sorte de ter un traballo remunerado. As demais coidan, limpan, sachan, segan, etc. co único rendemento o obtido do froito do seu traballo, mais sen aspiración a poder mercar as súas propias medias. Hoxe seguimos sendo máis nas universidades, pero seguimos cunha fenda salarial e ocupando traballos con remuneracións menores.
Hoxe as nosas nenas teñen que escoitar que o mellor que poden facer é quedar na casa a coidar da familia, que xa as coidarán os seus maridos, e temos que seguir pelexando porque esa mensaxe non lles cale.
Hoxe seguimos redobrando esforzos para que sexamos tidas en conta para ocupar altos cargos. En palabras de Chimamanda Ngozi, “se só vemos a homes presidindo empresas comezará a parecernos natural que só haxa homes presidentes de empresas”.
Anúnciannos que o anteproxecto da nova lei de paridade imporá cotas do corenta por cento en órganos de goberno e listas electorais cremalleira. E non debemos ter medo de agarrar esas cotas. Algún día non as necesitaremos. Debemos manter unha loita que se leva a cabo historicamente. E non baixar a cabeza por ocupar un posto que merecemos. Debemos postularnos en lugares que, por normal xeral, ocupan homes. Non debe asustarnos que levanten a voz máis ca nos, ou que os seus argumentos non versen sobre o tema a tratar. É doloroso, é triste, pero, como dixo Concepción Arenal, “a dor é a dignidade da desgraza”. E a desgraza non é ser muller, a desgraza é ter que seguir loitando porque a muller sexa igual ca o home.
Non deixedes de loitar afoutas mulleres, o presente e o futuro son nosos.
Inés López Couto (2ª Tenente de Alcalde do Concello de Foz)
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
