A frente nacionalista lembra o compromiso adquirido polo Goberno para mellorar a calidade do servizo, a modernización do material e aumentar a fiabilidade
Madrid, 13 de marzo de 2023. O deputado do BNG no Congreso, Néstor Rego, vén de rexistrar varias iniciativas para que o Goberno do Estado e, no concreto, RENFE cumpran co compromiso de modernizar o material rodante da vía de ancho métrico. Tras os erros detectados no deseño dos trens que obrigou a revisar o contrato, a frente nacionalista demanda un calendario concreto para a entrega dos trens e se o Ministerio destinará os híbridos para a liña FEVE entre Ferrol e Ribadeo. Alén do máis, Rego demanda medidas compensatorias polo retraso para a liña de ancho métrico para que as persoas usuarias desta liña gocen da gratuidade do servizo.
O erro no deseño dos trinta e un trens de vía estreita, antigo FEVE, afectará principalmente a Asturias e Cantabria por posuír unha maior rede de ancho métrico electrificado. Vinte e seis, dos trinta e un, son eléctricos mentres que na Galiza non podería operar por non posuír esa infraestrutura.
“Con todo, outros cinco era híbridos e si que poderían transitar pola vía galega e destinalos a prestar servizo na liña de FEVE da Galiza, Ferrol-Ribadeo” explica o deputado do BNG. Cabe destacar que existe un compromiso, adquirido por parte do Goberno, para mellorar e modernizar o material rodante desta liña a través do “plan de mellora da calidade do servizo” co obxectivo de mellorar a súa fiabilidade.
A día de hoxe, o material existente na liña Ferrol-Ribadeo ten graves problemas, con continuas avarías do material rodante que “causan incidencias de forma continuada e fan completamente impredecíbel e moi pouco fiábel este medio de transporte”. Neste sentido, o deputado do BNG reclama modernizar os trens da liña para ofrecer un servizo de calidade ao conxunto da cidadanía.
“O Goberno do Estado debe cumprir as súas promesas e, ademais de asegurar a renovación do material rodante, estabelecer un calendario con prazos específicos para a subministración do trens destinados a este tramo” asevera Néstor Rego.
Medidas compensatorias para o FEVE
Após coñecer as deficiencias na fase de estudo e deseño do novo material rodante, a organización nacionalista demanda medidas compensatorias para as persoas usuarias ante o retraso que suporá a entrega do novo material. “Se Asturias e Cantabria recibirán medidas compensatorias, é de xustiza que a liña FEVE reciba as mesmas medidas e minimizar o grave prexuízo que supón o atraso na entrega do novo material rodante” engade Néstor Rego. Así mesmo, para garantir a calidade do servizo, o deputado nacionalista reitera a necesidade de aumentar as frecuencias ferroviarias nesta liña co obxectivo de que máis persoas poidan empregar este medio de transporte –“eficaz, eficiente e sustentábel”- en detrimento do vehículo particular.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
