A institución subiu este ano nun 30% o importe total da liña de subvencións, dirixidas a entidades sen ánimo de lucro para desenvolver proxectos vencellados ao medio ambiente e ao rural que poñan en valor o patrimonio natural, cultural e paisaxístico de Terras do Miño e Os Ancares Lucenses
Lugo, 15 de marzo de 2023. A Deputación de Lugo abre mañá o prazo de solicitude das axudas que convoca neste 2023 por un importe de 110.000€, un 30% máis que o pasado ano, para entidades sen ánimo de lucro que traballan no territorio das Reservas da Biosfera Terras do Miño e Os Ancares Lucenses e Montes de Cervantes, Navia e Becerreá. A institución provincial apoia con estas subvencións, de concorrencia competitiva, actuacións e proxectos do tecido asociativo vinculados ao medio ambiente e ao rural que poñan en valor o patrimonio natural, cultural e paisaxístico das propias reservas.
Este é o terceiro ano no que a Deputación abre esta liña de axudas, que convocou por primeira vez no ano 2021. Inclúe dúas liñas de actuación: unha dotada con 60.000€ para actividades na Reserva da Biosfera Terras do Miño, e outra, por un importe de 50.000€, para actividades na Reserva da Biosfera dos Ancares Lucenses. Nesta ocasión, a contía máxima da subvención que se outorga será de entre 1.000€ e 7.000€ por cada proxecto.
O Boletín Oficial da Provincia (BOP) publicou hoxe a convocatoria, que establece 10 días hábiles de prazo para presentar as solicitudes a contar dende mañá, xoves. Polo tanto, os colectivos interesados poderán formular as peticións ata o vindeiro 29 de marzo. O prazo de execución das actividades que resulten subvencionadas remata o 31 de decembro.
Obxecto e beneficiarios
Poden solicitar subvencións entidades ou asociacións sen ánimo de lucro legalmente constituídas, inscritas no rexistro público, con sede ou que actúen no territorio das Reservas da Biosfera Terras do Miño ou Os Ancares Lucenses e Montes de Cervantes, Navia e Becerreá. As axudas están destinadas ao desenvolvemento de actuacións de posta en valor do patrimonio natural, cultural e paisaxístico destes territorios neste ano 2023.
Unha das liñas, dotada con 60.000€, destínase ás entidades da Reserva da Biosfera Terras do Miño, que comprende os seguintes municipios: Abadín, Alfoz, Baralla, Begonte, Castro de Rei, Castroverde, O Corgo, Cospeito, Friol, Guitiriz, Guntín, Láncara, Lugo, Meira, Mondoñedo, Muras, Ourol, Outeiro de Rei, O Páramo, A Pastoriza, Pol, Rábade, Riotorto, O Valadouro, Vilalba e Xermade.
A outra das liñas, dotada con 50.000€, destínase á execución de actividades no territorio da Reserva da Biosfera Os Ancares Lucenses, da que forman parte os seguintes municipios: Becerreá, Cervantes e Navia de Suarna.
Éxito das edicións anteriores
A Deputación de Lugo destaca que a experiencia das pasadas convocatorias destas subvencións resultou moi positiva. Medio cento de asociacións das Reservas Terras do Miño e dos Ancares Lucenses recibiron xa axudas, grazas ás que puideron sacar adiante proxectos que contribuíron de maneira importante a poñer en valor o territorio e a dinamizar a actividade social e cultural.
Algúns exemplos de iniciativas desenvolvidas con estes fondos foron, por exemplo, o mantemento de rutas de sendeirismo, a edición de libros sobre a fauna e a flora, limpeza e roza de maleza, melloras de locais sociais, obradoiros en familia, o mantemento das pallozas do Piornedo, actividades de divulgación, arranxos de camiños ou, entre moitos outros, o cultivo de especies autóctonas ou a recuperación de citas como a Feira do 12, en Becerreá.
Esta boa experiencia levou á institución provincial a reeditar esta convocatoria, que este ano chega antes que en anos anteriores, e se ve incrementada no seu importe.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
