A programación, que se desenvolverá entre abril e xuño, inclúe unha vintena de propostas con máis de 300 prazas para todos os públicos en Terras do Miño e Os Ancares Lucenses, territorios xestionados pola institución provincial
Lugo, 29 de marzo de 2023. A Deputación de Lugo abre mañá o prazo de inscrición para participar no novo programa de actividades gratuítas que organiza para fomentar o lecer saudable e a educación ambiental nas reservas da biosfera de Terras do Miño e Os Ancares Lucenses, Montes de Cervantes, Navia e Becerreá, xestionadas pola institución provincial. O calendario inclúe unha vintena de propostas, con máis de 300 prazas para todos os públicos, que se desenvolverán no segundo trimestre do ano, dende o 3 de abril ao 30 de xuño.
Como inscribirse
As persoas interesadas deberán anotarse a través das canles dispoñibles. No caso de Terras do Miño, poden apuntarse a través do teléfono 982.305.930, o correo electrónico und.medioambiente@deputacionlugo.org e un espazo na web: http://inscricions.deputacionlugo.org/gl/tema/actividades-medioambientais. As persoas que desexen participar no programa dos Ancares Lucenses, poden anotarse a través do correo ancareslucenses@deputacionlugo.org e dos teléfonos 982.227.812 e 982.227.813.
Terras do Miño
A primeira actividade na Reserva de Terras do Miño celebrarase os días 3, 4, 5 e 10 de abril, e está pensada para os nenos e nenas de 6 a 12 anos. Naturalmente ao pé do río conta con 20 prazas e está prevista en horario de mañá: de 10 a 14 horas.
Do día 11 ao 14 de abril está programada o Cultivo de flores de primavera e verán e técnicas básicas de secado de flores con 15 prazas para adultos. Esta actividade desenvolverase en horario de mañá, entre as 10:00 e as 14:00 horas.
Tamén en abril, do día 25 ao 28, haberá outra actividade no Centro de Interpretación Terras do Miño pensada para os adultos: Obradoiro de Cestaría. Son 15 prazas e poderase desfrutar en horario de mañá, de 10:00 a 14:00 horas.
Xa en maio, do 2 ao 4, os adultos poderán aprender sobre Eclosión da natureza nas tarefas agrícolas: Traballos de primavera para optimizar as producións hortícolas, unha acción que se celebrará no Centro de Interpretación Terras do Miño de 10:00 a 14:00 horas. Haberá 15 prazas dispoñibles para as persoas interesadas.
Do 8 ao 12 de maio, realizarase a actividade Mobiliario para exteriores, en horario de mañá: de 10:00 a 14:00 horas. Esta actividade está pensada para os adultos e conta con 12 prazas.
Coincidindo co Día Mundial das Aves Migratorias, o 13 e 14 de maio, este programa inclúe unha actividade na Lagoa de Cospeito para adultos. O horario é de mañá, de 10:00 a 14:00 horas.
Iniciación á encadernación xaponesa é o título da actividade que se levará a cabo o 16, 18, 23 e 25 de maio no Centro de Interpretación Terras do Miño. Está destinada aos adultos e terá lugar en horario de tarde, entre as 16:30 e as 19:30 horas. As prazas para esta proposta son 8.
No mes de xuño, coincidindo co Día da Bicicleta en Familia, o día 3, proponse unha actividade de 40 prazas para familias entre as 11:00 e as 13:30 horas. O día 5 dese mes os Xardíns da Deputación acollerán un concerto didáctico sobre sons da natureza. Esta actividade, que se celebrará as 18:00 horas ten un aforo de 25 prazas.
En xuño celébrase o día do Medio Ambiente e, con ese motivo, entre o 6 e o 10, está prevista unha actividade conmemorativa. Os primeiros días, terá lugar de 17:00 a 20:00 horas nos Xardíns da Deputación e o día 10, das 10:00 ás 14:00 horas, o Centro de Interpretación Terras do Miño acollerá a iniciativa. Hai 15 prazas para os nenos e nenas que desexen participar.
Coñecer a contorna do Centro de Interpretación Terras do Miño é o obxectivo das últimas tres actividades do programa. Por unha banda, do 6 ao 8 de xuño abriranse 25 prazas para familias que desexen realizar unha ruta de 16:00 a 20:00 horas.
Do 19 ao 23 de xuño, seguindo coas actividades na natureza realizarase un taller de ioga aberto con 15 prazas para adultos, de 11:00 a 13:00 horas. Por último, 20 nenos e nenas poden participar en Xogando a coñecer a contorna de Terras do Miño. Esta proposta está organizada do 26 ao 30 de xuño en horario de mañá, de 10:00 a 14:00 horas.
Os Ancares Lucenses
Será o 15 de abril cando arranque o programa de actividades dos Ancares Lucenses e Montes de Cervantes, Navia e Becerreá. A primeira iniciativa será unha formación de apicultura ecolóxica os días 15 e 16 de abril para adultos na Casa Quindós, en Navia de Suarna. Conta con 15 prazas e celébrase o sábado en quenda de mañá e tarde e domingo en horario matinal.
A seguinte iniciativa, con 25 prazas, será a ruta A natureza na Vía Künig (tramo 03), unha proposta para familias que partirá da Casa do Concello de Becerreá. O 27 de maio realizarase, na antiga escola do Piornedo, en Cervantes, a actividade familiar Xeoloxía nos Ancares en horario de mañá e tarde. Esta proposta conta con 25 prazas.
Por último, e enfocado a nenos, levarase a cabo un Curso de Orientación na montaña, para o alumnado do CPI Cervantes o día 5 de xuño, e o Campamento científico do 26 ao 30 de xuño para nenos e nenas de 6 a 12 anos. A primeira actividade coincide co Día Mundial do Medio Ambiente e a segunda será no Centro Social de Becerreá e conta con 15 prazas. En ambos casos, desenvolveranse en horario de mañá, de 10:00 a 14:00 horas.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
