Estas melloras súmanse ás impulsadas polo Goberno de España con 1,9 millóns de euros no litoral da Mariña, en municipios como Foz, Barreiros, Burela ou O Vicedo
Ribadeo, 30 de marzo de 2023. A subdelegada do Goberno en Lugo, Isabel Rodríguez, avanzou hoxe que o Ministerio para a Transición Ecolóxica e o Reto Demográfico realizará novas actuacións na praia do Cargadoiro, no concello de Ribadeo, poñendo de manifesto o compromiso do Goberno de España co mantemento e a mellora do litoral da Mariña lucense.
O Servizo Provincia de Costas vén de adxudicar por un orzamento de 46.500 euros as obras rehabilitación e acondicionamento do único acceso ao areal, situado á marxe esquerda da desembocadura da ría de Ribadeo, afectado por un esvaramento de terras que provocou o conseguinte baleirado e falta de apoio da estrutura que da soporte ás escaleiras.
A subdelegada asegurou que con estas actuacións dáse resposta inmediata a unha demanda da veciñanza, permitindo aos usuarios e turistas empregar de novo este espazo natural. “O obxectivo é que a praia do Cargadoiro se atope no estado óptimo para o inicio da tempada estival, ao tratarse dun dos numerosos enclaves turísticos cos que contamos en Ribadeo, ofrecendo o mellor servizo e seguridade aos bañistas”, engadiu.
Así mesmo, Isabel Rodríguez afirmou que estas melloras constatan a aposta e sensibilidade do Goberno Central coa mellora das praias do litoral da Mariña, onde se están impulsando ademais proxectos de protección e rexeneración da costa por valor de 1,9 millóns de euros, en municipios como Foz, Barreiros, Burela ou O Vicedo.
Os traballos previstos consistirán na reparación e consolidación da estrutura que da soporte ás escaleiras, ademais da remodelación desta infraestrutura, o que redundará nunha mellor protección fronte á ondada. Estas reparacións, que se iniciarán nas próximas semanas e teñen un prazo de execución de dous meses, lévanse a cabo nesta época do ano para non correr o risco de que se produzan temporais que afecten a estas zonas, o que supoñería que a intervención quede sen efecto.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
