Ribadeo, 12 de abril de 2023. As Concellarías de Igualdade, Ensino e Mocidade organizan actividades de verán para a rapazada. Trátase de campamentos urbanos, Aventura en Igualdade e o III Orienta Ribadeo.
A concelleira de Igualdade, Mónica Freire, e máis o concelleiro de Mocidade, David Rivas, comentaron que “a programación de verán é unha iniciativa para que a mocidade ribadense empregue o seu tempo libre estival participando en actividades de educación non formal de carácter lúdico, cultural, deportivo, formativo, etc, e un recurso de conciliación da vida familiar e laboral”.
Freire Rancaño sinalou que “mantemos os campamentos urbanos durante o mes de xullo, Orienta Ribadeo no mes de setembro e como novidade recuperamos a oferta de anos anteriores, ofrecendo fóra do municipio, o campamento Aventura en Igualdade, dirixido a rapaces e rapazas que están cursando a ESO e que gozarán do 10 ao 14 de xullo de numerosas actividades de aventura e igualdade. Trátase de traballar aspectos relacionados coa igualdade de xénero favorecendo o desenvolvemento persoal da mocidade, promovendo a súa autonomía, autoestima, compañeirismo e traballo en equipo, entre outros valores educativos”.
As inscricións para as diferentes actividades programadas faranse na Casa da Xuventude nos seguintes prazos:
Para os campamentos urbanos que se desenvolverán no Ceip Gregorio Sanz o período de inscrición será do 4 ao 12 de maio. Estas actividades están dirixidas a nen@s de 4 a 12 anos
Para o campamento Aventura en Igualdade, que terá lugar no Complexo Cemar no municipio de Mondariz a preinscrición será estes días do 12 ao 18 de abril. Esta proposta ten como destinatarios a rapaces e rapazas da ESO.
E para o III Orienta Ribadeo a inscrición deberá facerse do 11 ao 18 de setembro. Esta actividade está dirixida ao publico xeral.
A edil ribadense fixo fincapé en que “é necesario facer a preinscrición do mini campamento Aventura en Igualdade para formalizar a reserva en dito complexo e posteriormente, do 24 ao 28 de abril, presentarase toda a documentación e o pago da actividade. Para este mini campamento, que se levará a cabo do 10 ao 14 de xullo, terase en conta a orde de presentación para a adxudicación das prazas”.
Todas aquelas persoas que precisen máis información poden dirixirse nas oficinas da Casa da Xuventude ao teléfono 982 129 889 e ao do CIM 982 120 739.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
