NOTA DE PRENSA:
O BNG DENUNCIA O ESTADO DE ABANDONO NO QUE SE ATOPA O PARAXE DE SANTO ESTEVO DO ERMO E PIDE QUE SE LIMPE TODA A ZONA E QUE SE DIFUNDA A RIQUEZA QUE ALÍ SE ALBERGA.
Barreiros, 2 de setembro de 2010. O BNG denuncia o estado de abandono no que se atopa o paraxe de Santo Estevo do Ermo e pide que se limpe toda esa zona e que se difunda toda a riqueza que alí se alberga. Os nacionalistas levarán este asunto ao vindeiro pleno do Concello.
Para o Bloque Nacionalista Galego “non é de recibo o abandono a que está sometido o paraxe de Santo Estevo do Ermo, trátase dun lugar de moítisima importancia cultural pola súa riqueza etnográfica, histórica e paisaxística e é un lugar emblemático e referencial para todos os barreirenses. É unha zona que encerra moitas tradicións e lendas como as ferraduras do cabalo de Santigo, a fonte das rosas, a fonte do ferro… e vemos que está nun total abandono sobre todo despois das riadas de xuño con moitísimas árbores caídas. Foron eso sí cortadas para facilitar o paso polos sendeiros, pero non foron retiradas e afean a paisaxe. Tamén hai varias infraestructuras afectadas coma unha ponte de madeira que tampouco foi reposta, ainda que xa estaba en mal estado antes das riadas”.
O grupo municipal do BNG entende que “non hai o esmerado coidado que debera terse con esta zona que figura nas guías do Concello e que é un referente nas rutas de sendeirismo de Barreiros. Estas queixas fixéronnolas chegar moitos visitantes durante os meses de xullo e agosto que vían un pouco sorprendidos como polo medio desa paraxe aínda había restos dunha festa que se celebra a primeiros de xullo. A responsabilidade é do Concello independentemente de que algúns romeiros non recollan os tenderetes onde foron merendar”.
Os nacionalistas engaden que “a posta en valor deste fermoso paraxe de Santo Estevo do Ermo sempre foi para o BNG unha vella demanda e algo sobre o que sempre traballamos sobre todo a principios desta década cando presentamos varias iniciativas no Concello e na Xunta para recuperar esa zona e incluso fixemos roteiros para difundir e dar a coñecer todo este patrimonio que temos no corazón de Barreiros. Hai que recoñecer que o alcalde nos anos 2001 e 2002, Manuel Díaz Sampedro, tivo a suficiente sensibilidade para restaurar e recuperar a zona, se fixo un obradoiro de emprego e comenzou a restaurar a zona do revertedoiro e a capela e o seguinte paso sería restaurar todo o río ata o Pozomouro. Mágoa que agora o grupo de goberno actual do PP pase olímpicamente desta zona”.
O BNG levará unha iniciativa ao vindeiro pleno do Concello “para que repoña as infraestructuras danadas polas riadas e para que se sinalicen con paneis con información clara e ben documentada cada un destes lugares de interés como a fonte das rosas, a fonte do ferro, as ferraduras do cabalo de Santiago, así como que se sinalicen todos os restos de muiños que hai na zona porque sí teñen a súa importancia para saber a función que tiveron. E pedir tamén a limpeza do río do Santo Estevo e que se manteña este fermoso paraxe nas debidas condicións para que o disfruten os que o visiten, pero tamén para difundilo. O Concello debe difundir toda esa riqueza e esa parte da nosa historia que se alberga no corazón de Barreiros no Santo Estevo do Ermo”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
