Burela, 21 de abril de 2023. En breve rematarán as obras de instalación de mobiliario no Monte Castelo, onde tamén se plantan árbores autóctonas. Estes traballos fanse con cargo a unha subvención de 30.000 euros recibida polo Concello de Burela. Así o contou hoxe o alcalde, Alfredo Llano.
O rexedor dixo que “derivado dunha subvención duns 30.000 euros que acadamos no Concello de Burela estase a renovar parte do mobiliario urbano na área recreativa de Monte Castelo”.
Llano indicou que “esta subvención é para destinala a lugares turísticos e aproveitamos para usala tamén en mellorar o medio ambiente. Por tanto para que a xente teña unha motivación para ir ao monte Castelo e observar a extraordinaria vista que hai desde alí vamos colocar información na zona onde está o telescopio panorámico e ordenar todo aquilo. Incluso vamos poñer unha especie de pedestal para que os nenos pequenos poidan subirse e usar o telescopio. Tamén instalamos mesas e bancos novos para sentarse a merendar ou simplemente a falar. Ademais imos plantar árbores autóctonas de interese botánico”.
O alcalde de Burela seguiu a relatar que “nun muíño que había en Cinoche, na Vila do Medio, vamos colocar un cartel informativo no que se verá como era e como funcionaba este muíño”.
Para Alfredo Llano “todo isto que estamos a facer motiva un turismo explicitamente favorable a percorrer rutas de sendeirismo ao mesmo tempo que ve cuestións etnográficas importantes e na área recreativa de Monte Castelo poden sentarse a xantar no mobiliario que se está colocando. Tamén se están facendo unha serie de valados de madeira, que quedan perfectamente integrados na paisaxe e ofrecen seguridade e unha estética extraordinaria”.
E engadiu: “en pouco tempo culminaranse xa estas obras. Animamos aos veciños e ás veciñas de Burela a que suban cando poidan e para os de fóra vai ser unha motivación máis para visitar o noso concello”.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
