Ribadeo, 2 de maio de 2023. A empresa Begasa instalou nova sinalización para a navegación nos tendidos eléctricos que cruzan as partes máis altas do río Eo. Trátase de cinco localizacións, tal e como lle suxeriu o Concello no seu día. O alcalde, Fernando Suárez, valora de xeito positivo esta actuación.
O rexedor contou que “hai uns días recibimos unha comunicación da empresa eléctrica Begasa, onde nos informa da colocación de sinalización para a navegación nos tendidos eléctricos que cruzan as partes máis altas do Río Eo, concretamente en cinco posicións, tal e como desde este Concello lles tiñamos suxerido, porque aínda que estaban fóra do noso ámbito territorial si que eramos coñecedores destes perigos potenciais”.
Fernando Suárez dixo: “hai que ter en conta que xa hai meses colocaron estes mesmos dispositivos visuais así como diferente cartelería nos tendidos eléctricos de alta tensión que sobrevoan a desembocadura do Río Grande na Ría de Ribadeo, onde a finais do pasado mes de agosto se producía un accidente mortal desgraciadamente”.
O alcalde explicou que “esta empresa indica que actualmente as súas liñas cumpren as normativas técnicas vixentes, pero que non existe norma algunha que impoña a sinalización de treitos navegables. Con todo, procederon a facelo porque tamén nos consta que foi requirido pola Delegación do Goberno en Galicia”.
Suárez Barcia fixo unha valoración positiva deste comunicación de Begasa: “desde o Concello de Ribadeo queremos valorar positivamente, unha vez mais, esta actuación, tanto das autoridades como das empresas competentes nesta materia para balizar e sinalizar estes perigos. Valoramos moito que esta mellora na sinalización e no balizamento, sexa para que nunca máis se volva producir unha desgraza deste tipo, nin na Ría de Ribadeo, nin no Río Eo, nin en ningún outro lugar”.
A nova sinalización pode verse nos postes no treito comprendido entre Porto e Trabada.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
