A conselleira de Medio Ambiente, Territorio e Vivenda visitou hoxe a ruta de sendeirismo que discorre por esta contorna do Concello do Vicedo
O Vicedo , 5 de maio de 2023. A Xunta valorou hoxe a senda do Fuciño do Porco, no concello do Vicedo, como un modelo a seguir que combina a protección ambiental e o uso turístico.
Durante o seu percorrido pola ruta de sendeirismo cara á Punta Socastro, na que estivo acompañada pola directora xeral de Patrimonio Natural, Belén do Campo, e do alcalde da localidade, Jesús Novo, a conselleira de Medio Ambiente, Territorio e Vivenda, Ángeles Vázquez, incidiu na importancia de garantir o equilibrio entre o cada vez maior número de visitantes e a conservación dos valores naturais desta contorna, que está catalogada como Rede Natura 2000.
Nesa liña, Ángeles Vázquez puxo en valor o acondicionamento de paseos, sendeiros e áreas de ocio que permitan o desfrute público e, ao mesmo tempo, proporcionen información sobre os valores naturais e paisaxísticos que reúnen os espazos protexidos.
Segundo dixo a conselleira, o obxectivo cara ao que debemos avanzar é a recuperación e acondicionamento de espazos que faciliten a potenciación dun modelo de desenvolvemento sostible que permita o contacto directo coa natureza mediante unha axeitada distribución dos fluxos turísticos.
Bandeiras azuis 2023
E, precisamente no marco dese compromiso por desenvolver un modelo de turismo sostible na Comunidade, a conselleira lembrou que este ano as praias da provincia de Lugo renovaron as 18 bandeiras azuis que acadaron en 2022, entre as que figuran os 2 distintivos que o Concello do Vicedo obtivo na pasada edición.
Cómpre subliñar que os criterios esixidos pola Asociación de educación ambiental e do consumidor (Adeac) para a concesión da bandeira azul, no caso de praias e portos, están relacionados coa calidade das augas —que ten que ser excelente—; a seguridade e a accesibilidade; a dotación de servizos; así como a xestión ambiental e a sustentabilidade.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
