Burela, 16 de maio de 2023. O presidente da Fundación Expomar e alcalde de Burela, Alfredo Llano, fai unha valoración moi positiva a XIX Feira Náutica Pesqueira que se celebrou do 10 ao 13 de maio na localidade. Llano subliñou que Burela converteuse no epicentro internacional do sector pesqueiro ao longo deses días; que os expositores están dispostos a volver no 2025 e que foi unha honra para el ser o presidente da Fundación Expomar ao longo destes anos.
Llano declarou: “estamos moi satisfeitos de cómo saíu esta nova edición de Expomar, que xa levábamos catro anos agardando a poder facela porque evidentemente en plena pandemia houbo que deixala. Así que procuramos traballalo ben e espero que gustara porque levounos bastante tempo facer as cousas de tal xeito que saíra cun resultado positivo, tal e como foi”.
O rexedor burelés subliñou que “esta 19ª edición contou con case mil metros cadrados máis de exposición, o cal abriu unhas posibilidades enormes e houbo superficie para todos aqueles que a demandaron. Ademais colocouse dun xeito que funcionalmente era moi bo para velo, para traballar e para moverse polos corredores. Saíu ben e foi unha exposición guapa, na que o sector náutico pesqueiro viuse representado a través de Fundación Expomar. O último día tivemos moitas conversas cos expositores e desde logo quedaron moi satisfeitos e a súa intención é volver no 2025, pero nese ano hai que ver que o sector náutico pesqueiro estea en boa posición, que se vexa fortalecido e con ganas, que exista futuro e que sexa unha actividade que siga aí permanentemente porque é moi necesaria agora, polo emprego e polo aporte de alimentación natural e bo que ofrece”.
O alcalde dixo que “para o 2025 queremos que haxa outra boa edición Expomar, pero debe estar de base a potencialidade do sector náutico pesqueiro, que é o queremos todos. Desde a Fundación Expomar o que buscamos é darlle o protagonismo absoluto ao sector”.
E subliñou: “o escaparate que supuxo a exposición foi interesante e durante 4 días fomos en Burela o epicentro do sector a nivel internacional, como así se veu”.
Alfredo Llano contou que “paralelamente á feira Expomar houbo as xornadas técnicas, o encontro empresarial e tamén o Consello da Pesca, que fixo aquí unha sesión. Así que entre todos foi moi complementado e o sector deu un aviso e unhas recomendacións para que se teñan en conta. Por exemplo nas decisións que se toman en Europa que realmente se deixe intervir ao sector náutico pesqueiro dunha forma decisiva, solidaria e contando con el. E que de cara ao futuro se establezan as medidas para que o sector non se sinta ameazado, que vexa que pode continuar e ter o seu protagonismo nas discusións onde se toman as decisións; aí queremos estar”.
E engadiu: “como presidente da Fundación Expomar foi unha honra estar todos estes anos aí, dalgunha forma servindo para que o sector fose fortalecido e penso que todos os membros do padroado saímos contentos e xa se está pensando na seguinte edición”.
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. 
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
