Castiñeira manifestou o seu “agradecemento a todas as asociacións de veciños que nos permitiron coas súas propostas elaborar un programa amplo para Foz, prever obras que neste último mandato non se fixeron, especialmente baseado no traballo nas parroquias”
Foz, 24 de maio de 2023. O PP é un partido de acción transversal no que teñen sitio distintas sensibilidades. O candidato á alcaldía do PP en Foz, Javier Castiñeira, despois de participar no debate electoral celebrado esta mañá en Radio Foz, lanza unha mensaxe aos que no seu día votaron por CxG e aos que apoiaron a Foz Plataforma de Futuro, aos que di que moitas das súas propostas encaixan no programa do PP de Foz. Avisa de que os focenses teñen que elixir entre unha opción, que, como se viu no mandato que acaba, é o da falta de eficacia na xestión, ou o que representaron os oito anos de goberno popular.
Castiñeira sinala: “Ao longo da campaña, e despois de dous debates electorais, o PP de Foz vén demostrando que é a mellor opción posible, que ten un bo equipo, experimentado, disposto a traballar dende o primeiro día. E tamén se demostra que hai outra opción, que é a do bipartito, a opción deste catro últimos anos, a da desidia, o deixamento e a das obras a última hora”.
O portavoz popular manifesta: “No día de hoxe quedaron plasmadas con claridade no debate electoral en Radio Foz esas dúas posibilidades. Dende o PP pedimos o apoio de todos eses votantes que no seu día votaron a Foz Plataforma de Futuro, grupo co que fixemos traballos importantes no goberno, como xestionar a nova depuradora e aprobar varios orzamentos; tamén pido o apoio dos votantes nacionalista moderados de CxG. Teñen sitio no proxecto do PP de Foz; garanto que os representaremos e lembro que moitas das súas ideas figuran no noso programa”.
Os populares expresan o seu “agradecemento a todas as asociacións de veciños que nos permitiron coas súas propostas elaborar un programa amplo para Foz, prever obras que neste último mandato non se fixeron, especialmente baseado no traballo nas parroquias, como se fixo no anterior goberno do PP. Profundaremos na execución desas obras que quedan sen facer, como mellorar as entradas de Foz, a construción dun novo auditorio, dar solución ao Asilo e, en definitiva, mellorar a vida de todos os veciños deste concello”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
