Burela, 9 de xuño, 2023. Despois do éxito das últimas accións levadas a cabo o ano pasado, a Organización de Produtores Pesqueiros do Porto de Burela repite Castela e León como localización para o lanzamento da nova campaña publicitaria da súa marca “Merluza D& Burela”.
Nesta ocasión a estratexia pon o foco no público sénior, con máis experiencia e consumidor habitual de peixe, fuxindo de marcados estereotipos onde a sociedade parece estar só representada polos mozos.
Mais pola contra, o público máis adulto é o core target tradicional de consumo de peixe de fresco, e tamén o que máis seguiu comprándoo a pesar da escala de prezos e a inflación. É tamén o grupo de poboación que máis sabe o que quere e máis se merece seguir gozando das súas ganas de vivir e dun produto de primeira como a pescada de Burela, do pincho e de calidade. “Son un faro para as demais xeracións e comparten moitos valores coa nosa marca”, aseguran desde a OPP-7.
Merluza D& Burela busca a complicidade dos séniores facéndoos protagonistas dunha campaña para consolidarse fóra de Galicia cun produto de calidade e cheo de sabor, capturado peza a peza con artes de pesca selectiva: “Os que temos máis experiencia apreciamos o que queremos, somos esixentes e mantemos sempre a frescura”, menciónase na campaña.
Dentro do plan de expansión da marca, a campaña terá especial presenza en Castela e León, con publicidade exterior, radio e internet nunha das comunidades con maior consumo de peixe fresco, e que ademais é un mercado estratéxico pola proximidade xeográfica con Galicia.
Esta campaña da Organización de Produtores Pesqueiros do Porto de Burela
inclúese no seu plan de produción e comercialización, realízase en colaboración
con Armadores de Burela e está cofinanciada por Xunta de Galicia e FEMPA.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
