Lugo, a 22 de xuño de 2023. Despois das asembleas realizadas este mércores e xoves coas traballadoras e traballadores do sector, a CIG tomou a decisión de desconvocar a folga prevista para mañá, venres 23 de xuño, no comercio de alimentación da provincia de Lugo. O sentir que se trasladou por parte do persoal foi maiormente de desmotivación a respecto de secundar o paro, tendo en conta que a traizón de UGT e USO asinando por atrás o convenio colectivo deixa sen efecto o obxectivo da folga: conseguir melloras laborais e salariais no marco regulador.
Non obstante, a CIG advirte que esta desconvocatoria non supón un paso atrás no firme convencemento e na necesidade de pelexar pola mellora das condicións de traballo no sector, mais neste novo contexto, cómpre dirixir esa loita a un espazo empresa a empresa. Por iso, a patronal debe ter claro que a loita non remata coa sinatura deste convenio de miseria que non responde ás reivindicacións do conxunto do persoal.
Ao contrario, se de algo serviu este proceso de mobilizacións a prol dun convenio digno foi para marcar un antes e un despois no modelo de negociación. A histórica manifestación do pasado domingo polas rúas de Lugo e a firme decisión das asembleas de apostar, por primeira vez, pola convocatoria de folga na provincia, evidencian que as traballadoras e os traballadores queren ser parte activa e decidir na negociación das súas condicións laborais e salariais. Os tempos do todo vale, xa remataron.
A CIG trasládalle o seu agradecemento a todos e todas as traballadoras que nestes dous últimos meses tiveron a dignidade e a valentía de apoiar as mobilizacións convocadas, decidindo con firmeza enfrontarse ao abuso patronal. Un abuso tristemente apoiado por unha representación sindical que, tendo a maioría legal, perdeu toda a lexitimidade ao actuar ás agochadas do persoal e defendendo de forma covarde e indigna os intereses patronais.
Pero non hai que perder de vista que as mobilizacións efectuadas serviron para evitar que UGT e USO asinaran a proposta inicial da patronal e a propia convocatoria de folga forzou a patronal a, de motu proprio, subir un punto a súa proposta de incremento salarial. É dicir, sendo un convenio insuficiente, o pulso mobilizador permitiu que o texto final recolla condicións claramente superiores e obrigou a ambas partes a asinar o convenio a escondidas e ás présas, pois sabían que o persoal non ía tragar con enganos e mentiras.
Neste senso, a CIG reitera que este non é o final da loita e que continuará no día a día e empresa a empresa a traballar para conquistar os dereitos dos que UGT e USO decidiron privar o persoal do comercio de alimentación, asinando un convenio en contra do sentir maioritario dos traballadores e das traballadoras.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
