“O Resu xa forma parte da esencia de Viveiro e como tal debemos protexelo para que siga a ser un referente na seguridade das persoas e na súa tranquilidade”, engadiu
Viveiro, 23 de xuño de 2023. A subdelegada do Goberno en Lugo, Isabel Rodríguez, presidiu hoxe en Viveiro a Xunta de Seguridade da nova edición do festival Resurrection Fest, que reunirá a máis de 140.000 persoas na Comarca da Mariña para desfrutar de música metal, punk e hardcore. Isabel Rodríguez destacou a máxima coordinación entre o Goberno, o Concello de Viveiro e a organización do evento para garantir a seguridade dos asistentes e pediu á cidadanía prudencia, que cumpran coas normas previstas e, deste xeito, todo transcorra con total normalidade. “O Resu xa forma parte da esencia de Viveiro e como tal debemos protexelo para que siga a ser un referente na seguridade das persoas e na súa tranquilidade”, engadiu.
Na reunión celebrada esta mañá na Casa Consistorial, Isabel Rodríguez informou que se porá en marcha un amplo dispositivo de seguridade especial de cara á celebración do XVIII edición da cita musical, con especial atención aos desprazamentos que se producen durante os catro días de festival. Igualmente, tratáronse as previsións que baralla a organización do festival, con catro escenarios situados en Celeiro, e os lugares que poden resultar máis conflitivos debido á posible aglomeración de persoas e vehículos. Ademais, coordinouse o labor que desenvolverán os distintos corpos de seguridade e de emerxencia para previr incidencias durante o evento.
Así, a subdelegada do Goberno explicou que a Policía Nacional de Viveiro contará con reforzos entre os que se inclúen membros das unidades de intervención, que son expertos en grandes eventos nos que se poden producir situacións de risco como poden ser avalanchas, ademais de ter o apoio de axentes a cabalo, guías caninos e funcionarios da brigada móbil.
Este ano, o Resurrection Fest, celebrarase os días 28, 29, 30 de xuño e o 1 de xullo e contará con máis de 80 artistas e grupos, todos eles dedicados ao xénero rock, metal e punk, con cabezas de cartel como `Slipknot´, `Pantera´ ou `Ghost´. Así mesmo, haberá servizos como zonas de descanso, gampling, stands de comida ou lockers para a comodidade dos asistentes.
Na Xunta Local de Seguridade participaron o concelleiro, Jesús Fernández, promotores da empresa organizadora do evento xunto a Forzas e Corpos de Seguridade do Estado.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
