Viveiro, 13 de xullo, 2023. Galiza Nova ven de celebrar na tarde deste xoves un acto nos Xardíns Noriega Varela de Viveiro, no que se contou coa presenza de Pilar Vázquez, suplente ao Senado; María Carballal, responsable comarcal de Galiza Nova e Dani Castro, candidato ao Congreso.
“É necesario dispor dun grupo galego forte no Congreso e rematar co centralismo político que nos queren impoñer dende os grandes medios. PP, PSOE ou Sumar atenden aos intereses do seu partido en Madrid. Despois de anos de discriminación que cortaron oportunidades na nosa comarca e empurran á mocidade a emigrar, un deputado cos pés e a cabeza na Mariña porá a nosa voz no Congreso” indicou Pilar Vázquez.
Pola súa banda, María Carballal amosouse ilusionada: “a rebeldía que sinto da mocidade está representada no BNG: a loita inclusiva, a cultura, os dereitos das mulleres, a vivenda ou o traballo digno. Pídovos unha reflexión: quero un futuro en Viveiro pero precisamos traballo e salarios dignos, vivenda e un transporte público de calidade. A mocidade xógase o seu futuro!”.
O mariñán Dani Castro, candidato ao Congreso que as enquisan sinalan como o primeiro deputado do BNG por Lugo nun escano que perdería o PP, recollendo a palabra das predecesoras, comprometeuse a esixir “unha lei de vivenda ambiciosa, que teña en conta os alugueiros turísticos. Non pode ser que o 60% dos salarios de moita xente moza se adique ao pago dos alugueiros”. Ademais recalcou que “200.000 mozos e mozas tiveron que emigrar porque non atoparon as posibilidades para desenvolver o seu futuro na Galiza, e dende o BNG loitarase para que a mocidade poida traballar dignamente, cun Estatuto do Bolseiro que serva para que as empresas non explote á xente moza que se incorpora ao mercado laboral. Empurraremos ao goberno para que faga verdadeiras políticas progresistas e adique o 1% do orzamento á mocidade”, rematou o xoven candidato.
A xornada, que contou cunha ampla participación de xente nova, rematou coas actuacións musicais de Xosé Maseda e a Charanga Benofán.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
