Os deputados populares consideran que a comisión de queixas e suxestións debe convocarse de inmediato para así dar á veciñanza un espazo no que presentar suxestións, queixas ou reclamacións sobre o funcionamento da entidade e o estado das propiedades provinciais
Martes 25 de xullo de 2023. No día que tomaron posesión como deputados provinciais, os membros do Grupo Popular facían público que durante estes catro anos realizarían unha exhaustiva labor de control do goberno provincial ademais dunha actitude construtiva e propositiva para mellorar a vida de todos os lucenses da provincia.
Froito desa actitude construtiva e en positivo os deputados populares defenderán dúas iniciativas. A primeira, vai dirixida a crear unha mesa de traballo, con representación de todos os grupos da corporación provincial e cos traballadores que se estime necesarios, para acadar un reparto igualitario dos medios dispoñibles no parque móbil e poñelos a disposición de todos os municipios de menos de 20.000 habitantes. “A realidade é que os equipos do parque móbil realizan moitas máis tarefas de mantemento naqueles concellos gobernados por PSOE e BNG que nos que goberna o PP, e non é xusto con eses veciños xa que teñen o mesmo dereito de ter os medios do parque móbil traballando no seu municipio”, explican.
Esta mesa de traballo debe ter unha periodicidade trimestral e nela o goberno provincial debe de dar conta de con que concellos colaborou a Deputación Provincial de Lugo no arranxo e mantemento da rede viaria nos últimos catro anos e a relación dos Concellos cos que teñen previsto colaborar durante o presente ano 2023.
A segunda iniciativa que defenderán os populares no pleno de mañá consiste en pedir que o goberno provincial active a comisión de queixas, suxestión e reclamacións e a convoque, no prazo dun mes, atendendo ao establecido no artigo 74 do Regulamento Orgánico da Deputación de Lugo.
No Grupo Provincial Popular defendemos que “todos os cidadáns temos dereitos ante a Administración pública, sendo un deles o dereito a presentar suxestións, queixas ou reclamacións en relación co funcionamento dos servizos públicos e os órganos e unidades da Administración” polo que tendo en conta a necesidade de garantir a defensa dos dereitos dos veciños, a lei establece un órgano no ámbito organizativo das Administracións Locais: a Comisión especial de Suxestións e Reclamacións, que debe ser creada polo Pleno.
A petición dos populares consiste en que esta comisión ten que estar formada por representantes de todos os grupos políticos que integran o pleno na mesma proporción que as comisións informativas, tendo esta comisión a potestade de supervisar a actividade da Deputación.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
