“Cando matas a alguén, mátalo todos os días da túa vida” é o slogan da campaña de concienciación da DXT deste verán para evitar comportamentos incorrectos ao volante
Lugo, 27 de xullo de 2023. A subdelegada do Goberno en Lugo, Isabel Rodríguez, avanzou hoxe que durante a tarde do venres 28 de xullo, desde as 15:00, e ata as 24:00 horas do martes 1 de agosto, producirase un importante movemento de vehículos por todas as estradas da xeografía nacional motivado polo comezo do mes vacacional de agosto, o máis importante en canto a movementos de vehículos do verán.
Así, Isabel Rodríguez explicou que durante estes días combinaranse tanto os desprazamentos de regreso de quen finaliza as súas vacacións despois de gozalas en xullo con quen as inicia agora. Tamén se prevén moitos desprazamentos curtos típicos dunha fin de semana de verán, especialmente na provincia a zonas rurais ou de praia.
Para salvagardar a seguridade dos usuarios da vía, a Dirección Xeral de Tráfico pon en marcha a Operación Especial “1º de agosto 2023”. O operativo conta coa total dispoñibilidade dos medios, tanto humanos como técnicos, incluíndo radares fixos e móbiles de control de velocidade, cámaras e furgonetas camufladas para controlar o uso de móbil e do cinto de seguridade dos que dispón a DXT.
Na provincia de Lugo prevense polo menos 126.000 desprazamentos, dos 947.000 estimados para todo o mes de agosto.
A absoluta prioridade de todos é que estes días sexan de descanso e encontro: por nós mesmos, polos nosos e por quen non coñecemos, é necesario poñer todo o posible da nosa parte para evitar sinistros, cuxas consecuencias non podemos controlar.
En agosto de 2022 producíronse na provincia 37 sinistros con vítimas, dos cales 1 foi mortal e 3 con feridos hospitalizados.
A subdelegada chamou a atención sobre os desprazamentos relativamente curtos ou por estradas coñecidas e lembrar que o alcol e o móbil sempre son pésimos socios cando se trata de conducir, aínda que sexa á aldea de á beira. Aínda que o fundamental é o compromiso de todos e cada un dos usuarios da vía, reforzaranse os controis para detectar e impedir estas condutas.
Salvagardar a seguridade na estrada
Desde a Xefatura Provincial de Tráfico de Lugo chámase especialmente a atención sobre:
Desprazamentos curtos: non se pode baixar a garda. As distraccións e o alcol matan mesmo ao virar a esquina.
Peóns e ciclistas: o ano pasado houbo na provincia 4 atropelos con feridos, 2 graves, e 8 sinistros con ciclistas feridos. A estrada é de todos: imos atopar peóns e ciclistas e o respecto é o primeiro. Mesmo no verán: chaleco reflector.
Alcol: está a detectarse un aumento deste factor. Hai que evitar por todos os medios conducir se se tomaron bebidas alcohólicas.
Cansazo: parece mentira pero no verán tamén hai bastantes accidentes con vítimas por cansazo, algúns asociados ao alcol.
A DXT recomenda sempre revisar e poñer a punto o vehículo e antes de iniciar a viaxe, planificalo polo roteiro máis seguro para evitar imprevistos e informarse do estado das estradas. E non baixar a garda nos desprazamentos curtos, no lugar destino ou preto de casa, se aínda non nos fomos de vacacións ou xa volvemos.
Desde as contas de Twitter @informacionDGT e @DGTes ou os boletíns informativos en radio e televisión, así como no teléfono 011, infórmase da situación do tráfico en tempo real e das incidencias que poidan existir. Todo o dispositivo establecido, así como consellos pódese consultar en dgt.es (estado do tráfico/recomendacións de tráfico/operacións especiais).
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
