Traslada a problemático de abastecemento de auga que surte a máis de 12.000 persoas por unha rede pensada para 3.000.
Barreiros, 14 de agosto de 2023. A alcaldesa de Barreiros, Ana Ermida, dirixiu na mañá de hoxe un escrito ao presidente da Xunta, Alfonso Rueda, para solicitarlle unha reunión na que abordar a situación do municipio.
A problemática manifestada nos últimos días no abastecemento de auga precipitou a solicitude desta xuntanza, na que traslada a incapacidade das infraestruturas existentes que impide subministrar auga potable suficiente para toda a poboación.
A rexedora explica no escrito que “o concello de Barreiros é un concello de pouco máis de 3.000 habitantes que se ten convertido nun imán turístico moi importante, froito dun desenvolvemento urbanístico do que son consciente de que vostede é perfectamente coñecedor”.
Nese sentido, Ana Ermida remarca que “a situación de Barreiros difire notablemente doutros concellos que tamén se poden ver afectados neste servizo, porque á situación de seca que padecemos, hai que engadir neste caso a realidade urbanística en Barreiros, que non é compartida nesa dimensión por ningún outro concello da comarca”.
A falta de dimensionamento dos servizos para atender a poboación flotante.
A alcaldesa fai fincapé na necesidade de “colaboración e a lealdade institucional que deben rexer o funcionamento das Administracións e ao papel xogado pola administración autonómica en relación aos servizos neste municipio” para solicitar a implicación da administración galega e do seu máximo dirixente.
Menciona nomeadamente que “as redes de abastecemento e saneamento, así como os sistemas de depuración, son claramente deficitarios para asumir este incremento poboacional. Este feito, foi constatado xa no seu momento, cando desde o goberno da Xunta de Galicia se propuxo un investimento de 14 millóns de euros á hora de retirar uns contenciosos que versaban sobre a existencia ou non de servizos que deran cabida á concesión de determinadas licenzas municipais.
Superada esa fase sen que se realizase dito investimento, pode constatarse a falla de servizos para tal, o que provoca verdadeiros problemas para garantilos durante as épocas de maior afluencia; tendo que atender unha poboación estimada de máis de 12.000 persoas cos medios dun concello de 3.000 habitantes”.
Ana Ermida manifesta o convencemento de que o presidente atenderá a súa demanda, dada a súa implicación e a do seu goberno á hora de atender as necesidades dos concellos galegos e, no caso concreto do Concello de Barreiros, que xa se ten manifestado noutras ocasións.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
