A Policía Local proporá para sanción aqueles que incumpran a normativa respecto das condicións de hixiene e estética esixibles
Burela, 17 de agosto de 2023. A Policía Local de Burela inicia un operativo de control do estado de mantemento e conservación de soares do municipio, para propor para sanción aqueles que se atopen en estado de abandono e incumpran as condicións de hixiene e estética ás que deben adecuarse.
Dende a concellería de Medio Ambiente sinalan que “a Burela Bonita que todos ansiamos pasa pola responsabilidade da cidadanía de manter e conservar os soares en condicións de salubridade, seguridade e ornato público”. Porén, “algúns dos propietarios están a eludir o seu compromiso co noso municipio”, indican.
No período estival, polas condicións de sequedade e o incremento das temperaturas, a ausencia de conservación dos terreos favorece a probabilidade de que se incrementen os riscos de incendio, polo que se fan necesarias este tipo de actuacións. Ademais, trátase dunha época que favorece a aparición de moita da fauna silvestre.
No Regulamento da Lei do Solo de Galicia, lembran dende a concellería de Medio Ambiente, ínstase “a todos os propietarios de parcelas vacantes de edificación ou en situación básica de rural á obriga legal de conservalas, executando á súa costa as obras ou traballos necesarios”.
Así mesmo, a Ordenanza Municipal de Limpeza do municipio sinala que “os propietarios de soares e terreos deberán mantelos limpos, libres de residuos e nas debidas condicións de hixiene, salubridade, seguridade e ornato público”. Esta obriga inclúe a esixencia de desratización e desinfección dos soares.
A ordenanza sinala tamén que “dende os soares particulares non poderá sobresair á vía pública ningunha clase de maleza, arbustos, matogueiras ou calquera clase de vexetación”.
Ademais, no seu artigo 24 de execución subsidiaria dos traballos indícase que “os servizos municipais procederán á execución subsidiaria dos traballos a que fai referencia o artigo anterior, con cargo ao obrigado e sen prexuízo das sancións correspondentes”.
“Se por motivos de interese público ou sanitario fose necesario asumir subsidiariamente as obrigas do propietario, o Concello procederá a acceder aos soares de propiedade privada, imputando todos os custos da actuación que correspondan aos propietarios do terreo”, sinálase tamén no mesmo artigo.
Ditas infraccións, de acordo co artigo 47 da citada ordenanza no seu apartado b.3, están tipificadas como graves, con ata 1.500 euros de penalización.
Dende a concellería de Medio Ambiente faise un chamamento “ó civismo da veciñanza para conservar e manter os solares da súa propiedade”. De persistir a ausencia de limpeza de solares e o estado de abandono, “procederase a adoptar as medidas precisas de conformidade coa normativa”, sinalan.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
