Ribadeo, 3 de setembro de 2023. A concelleira de Promoción Económica e Turismo, Marta Saiz, anima a gozar das festas patronais de Ribadeo que se prolongarán ata o vindeiro 10 de setembro.
A edil lembrou que “o pasado venres deron comezo as festas patronais na honra de Santa María do Campo. Como é habitual celebrouse no Teatro o tradicional pregón da man de José Carlos Rodríguez Andina. Foi un pregón entrañable e cheo de emotividade, como non podía ser doutra maneira vindo dun ex alcalde e sobre todo dunha persoa cunha grande calidade humana. Tivemos o pracer de contar cun presentador excepcional como é o periodista ribadense Fabián Pérez e como broche final non podía faltar a actuación da Coral Polifónica de Ribadeo. E o sábado desde as sete da tarde tivo lugar o Xara Fest, un festival organizado por un grupo de rapaces moi novos, pero que derrochan ilusión e ganas de facelo ben”.
Saiz dixo que “as festas prolongaranse ata o día 10 de setembro e a comisión quixo organizar unhas xornadas para todos os públicos con moita música e moi diversa para que sexa cal sexa ou teu gusto ou estilo musical todos atopemos o noso motivo para vir a Ribadeo disfrutar das patronais. Desde Budiño ao Xara Fest e unha grande variedade de grupos e charangas polas rúas ata as orquestras nas noites de verbena”.
A concelleira ribadense contou que “o martes 5 será o día do maiores, onde van gozar de diferentes actividades no centro de día e na residencia. O mércores 6 será o día do neno, onde os máis pequeniños serán os protagonistas da xornada con xogos e a tradicional festa da escuma. Non faltarán tampouco os nosos Cocos e Cabezudos, que ao ritmo das gaitas recorrerán as rúas o día 7. Como marca a tradición o día 8 haberá misa solemne, que será cantada pola Coral Polifónica de Ribadeo, seguida da procesión acompañada pola Banda Municipal de Música de Ribadeo e posterior concerto da mesma diante do Concello”.
Marta Saiz considera que “non hai disculpa para non vir a Ribadeo a pasar un bo ratiño cos amigos e coa familia. Desde o Concello queremos agradecer, sen dúbida, á comisión organizadora (a Juan, a Jacobo e a Gonzalo) a súa dedicación, o seu esforzo, a súa ilusión e o seu traballo no pouco tempo libre que os seus respectivos traballos lles permiten ter para que Ribadeo goce dunhas bonitas festas da patroa. Tamén aos responsables do Xara Fest, que con tanta ilusión traballaron arreo para disfrutar deses concertos que Ribadeo non tiña”.
A edil de Turismo subliñou que “pola nosa parte seguiremos axudando e apoiando estas iniciativas para entre todos construír un Ribadeo de todos e para todos. Agradecer tamén de forma especial a todas esas persoas que bailan os Cocos e os Cabezudos, personaxes entrañables de Ribadeo e aos que eses homes e mulleres lles poñen ritmo e ledicia nestes días de festa. Por suposto, mencionar a todo o persoal do Concello e á Policía Local polo seu traballo, a súa implicación e o seu bo facer para que todo salga como é de esperar. E cómo non, a todos os veciños e veciñas pola súa comprensión. Entendemos que moitas veces as festas fanse largas e non é doado aguantar debaixo das ventás os ruídos e a música durante tantos días. Grazas de todo corazón”.
Saiz anima “a todos a vir a Ribadeo en festas e por suposto o resto do ano tamén, porque Ribadeo sempre merece a pena”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
