O delegado territorial, Javier Arias, explica que está previsto realizar o groso das actuacións a vindeira semana, polo que o paso estará pechado ao público de luns a venres para facilitar a execución das obras en condicións de seguridade
Lugo, 7 de setembro de 2023. A Vicepresidencia Segunda e Consellería de Medio Ambiente, Territorio e Vivenda inicia o vindeiro luns traballos de conservación e mantemento no camiño de acceso ao Fuciño do Porco, no concello do Vicedo, aos que destina un orzamento de 36.100 euros.
O delegado territorial da Xunta en Lugo, Javier Arias, explica que está previsto realizar o groso das obras a vindeira semana, polo que o paso estará pechado ao público de luns a venres para facilitar a execución dos traballos en condicións de seguridade.
Escolleuse esta data para garantir a mínima afección aos visitantes, xa que está fóra do período de xullo e agosto, cando se rexistra maior afluencia, pero a climatoloxía aínda é propicia para facer a intervención.
Os traballos previstos consisten na limpeza de cunetas e recuperación da drenaxe tanto lonxitudinal como transversal das augas que chegan ao camiño para evitar o seu deterioro; así como recuperación das superficies de rodadura do propio camiño e do aparcamento intermedio. Tamén se traballará na estabilización do treito final, máis próximo aos cantís.
Igualmente, a Xunta mellorará a sinalización deste espazo protexido, pertencente á Rede Natura 2000, co fin de ordenar o seu uso -os fluxos de persoas e vehículos – e divulgar os valores de patrimonio natural e biodiversidade presentes na zona. Para iso, xa se encargou a sinalización e deseñáronse os carteis que se colocarán nas vindeiras semanas.
Esta mellora beneficiará tanto ao público en xeral como aos axentes facultativos medioambientais da Xunta que se desprazan por esta área de especial riqueza e protección para desenvolver as súas funcións.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
