Patricia Otero censura a falla de diálogo da Consellería e a excesiva lentitude na tramitación das axudas ao sector por parte dun departamento que deixa máis da metade do orzamento sen executar
Santiago de Compostela, 12 de setembro de 2023. A portavoz de Pesca do Grupo Socialista, Patricia Otero, trasladou hoxe a súa “profunda decepción” diante da comparecencia do novo conselleiro do Mar no Pleno do Parlamento. A parlamentaria socialista lamentou o continuísmo na liña de xestión da ex conselleira, e sinalou que “mudaron as caras, pero as artes seguen a ser as mesmas”.
Otero criticou en primeiro lugar a excesiva lentitude na tramitación das axudas por parte deste departamento, que adoita presentar uns niveis de execución “penosos” dos seus orzamentos, xa que ano tras anos deixa máis da metade das partidas sen gastar. Advertiu neste sentido que criticaran que o Executivo central tardara un mes en habilitar axudas polo impacto da guerra de Ucraína cando o goberno galego tardou un ano e medio en poñer axudas propias que aínda non pagaron.
O mesmo sucedeu coas axudas aos mariscadores afectados polo peche de actividade do pasado mes de xaneiro, que “a día de hoxe aínda non cobraron”, uns traballadores que están a padecer unha caída da produción marisqueira de ata o 50 por cento. Puxo como exemplo o caso da ameixa babosa, que pasou de rexistrar 745.000 quilos en 2019 a pechar 2022 con 334.000 quilos, menos da metade.
Emprazou ao conselleiro a “mudar a forma de facer política” porque “hai moito que axudar ao sector” logo de anos dunha xestión baseada na confrontación, como sucedeu, lembrou, coa malograda Lei de Acuicultura ou co conflito “xerado pola propia Consellería” entre mexilloeiros e percebeiros pola recollida da semente de mexilla.
Lamentou neste sentido que a falla de diálogo teña sido práctica habitual na que é “unha das consellerías máis sectarias que existen no goberno galego” ao negarse a dialogar cos grupos parlamentarios da oposición e tamén con parte do sector da pesca. A responsable socialista ofreceu “man tendida” do Grupo Socialista para colaborar co goberno galego e “traballar todos xuntos a prol de axudar ao sector” diante duns retos futuros “que alarman”.
Sinalou á próxima reunión de Pesca da Comisión Europea co sector para o próximo 26 de setembro, na que poñerán sobre a mesa a ampliación das zonas de veda, logo da decisión unilateral de vetar a pesca de fondo sen ter en conta a situación real dos caladoiros e o impacto socioeconómico desta decisión.
Otero lembrou que foi o goberno central quen abandeirou a oposición a esta decisión, fronte á xestión errática do goberno galego co recurso contra a decisión, que finalmente presentaron como parte coadxuvante do sector.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
