A concelleira Lina Gómez Pardo reafirma “o compromiso do Concello tanto co medio ambiente como coa promoción dun estilo de vida saudable, que son dous dos eixos centrais da programación”
Burela, 13 de setembro de 2023. O Concello de Burela celebra unha nova edición da Semana Europea da Mobilidade, que terá lugar entre o sábado día 16 e o venres día 22 de setembro. Unha semana chea de actividades de moi diversa índole para promover a sostibilidade e a accesibilidade.
Lina Gómez Pardo, concelleira de Cultura en Burela e responsable do Centro de Educación Medioambiental Gaia, destaca “o compromiso do Concello tanto co medio ambiente como coa promoción dun estilo de vida saudable, que son dous dos eixos centrais da programación desta nova Semana da Mobilidade”.
A concelleira tamén sinala a aposta do Concello “polo uso da rúa para realizar as actividades, non só nas prazas, e sacar fóra aquelas actividades realizadas en ximnasios, aulas ou pavillóns”. Así mesmo, animou á veciñanza a “facer uso do zapato como o mellor vehículo sostible para ir ao traballo ou ao colexio e instituto”.
Entre as actividades máis destacadas da edición deste ano atópase a subasta de bicicletas usadas, que terá lugar o domingo 17 de setembro na praza do Concello. Gómez Pardo animou “a todas as persoas que teñan na súa casa bicis que xa non usen” a levalas á praza para poñelas a subasta e recibir o seu prezo por elas.
Por outra banda, a alcaldesa de Burela, Carmela López, quixo destacar “a aposta do equipo de Goberno por ter unha vila máis accesible e pensada para as persoas”. López lembrou que o xoves 21, ás 16:30 na praza do Concello, haberá unha xornada de portas abertas para coñecer o Plan de Mobilidade Urbana Sostible, na que se atenderán todas as dúbidas da veciñanza, “unha actividade moi interesante para dar a coñecer este plan e como se vai desenvolver”.
As rúas de Burela acolleran unha gran cantidade de xogos e obradoiros para a cativada e rapazada durante a duración da Semana da Mobilidade. Tamén haberá varias charlas, como as de StopAccidentes ou as de educación vial a cargo da Garda Civil.
Algunhas actividades requerirán de inscrición previa, concretamente o obradoiro de cociña infantil que terá lugar na praza de Abastos o sábado 16 ás 16:30, ou a ruta en bici que sairá da praza do Concello o domingo 17 ás 11:00. En ambos casos, a inscrición poderá realizarse no número 647 163 673.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
