A institución provincial realiza estes días as tarefas de pavimentación da LU-P-5202, nos treitos comprendidos entre os quilómetros 1 e 1,9 e 2,6 e 4, logo de limpar as cunetas e deixar despexados os pasos salvacunetas
Lugo, 6 de outubro de 2023. A Deputación de Lugo aglomera estes días a estrada provincial que vai de Ribadeo a Alto dos Pinos por Vilaselán. Trátase da LU-P-5202, e as obras comprenden dous treitos: dende o punto quilométrico 1 ao 1,9 e do 2,6 ao 4. Uns traballos para os que a institución provincial destina 130.000€ e que realiza a empresa Desarrollos y Metas, SL.
O proxecto comezou a executarse coa limpeza dos laterais da vía, eliminando a vexetación e os aterramentos. Ademais, despexárons os pasos salvacunetas e calquera elemento existente que era necesario para garantir unha correcta evacuación das augas. Agora xa está en fase de pavimentación e logo, unha vez rematadas estas tarefas, procederase a realizar a sinalización horizontal nestes dous treitos con marcas reflexivas brancas.
Estas obras resultarán moi beneficiosas para os centos de usuarios e usuarias que utilizan esta estrada a diario, sobre todo porque enlaza coa rotonda que dá acceso á autovía que une Galicia con Asturias, a A-8.
A Deputación xa mellorou recentemente esta mesma estrada no seu tramo máis urbano. Cun investimento de 47.000€, a institución provincial acondicionou esta vía nos seus primeiros 400 metros. Pavimentouse e dotouse de beirarrúas, o que mellorou de maneira exponencial a seguridade da veciñanza de Vilaselán que acude camiñando ata o centro de Ribadeo.
Con esta actuación na rede viaria provincial, a máis extensa de España, a Deputación segue traballando nun dos seus principais obxectivos, como é a mellora das comunicacións viarias, necesarias para aumentar a calidade de vida dos veciños e veciñas, e favorecer a igualdade de oportunidades e o equilibrio territorial.
7M€ investidos en Ribadeo nos últimos anos
Ribadeo recibiu da Deputación de Lugo preto de 7M€ desde o ano 2019 para mellorar os servizos públicos da veciñanza. A maior parte dos recursos da institución provincial para este municipio foron destinados á mellora e dotación de infraestruturas, á renovación das estradas provinciais, ao fomento do emprego, ao mantemento do Centro de Atención a Maiores, e ao apoio do tecido social e económico, e de actividades de promoción turística, culturais e deportivas.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
