O Grupo Provincial Popular incide “no reforzo da seguridade viaria nas estradas provinciais como medida de apoio ao Camiño de Santiago e o que supón para o sector turístico da provincia”
Luns, 16 de outubro de 2023. O Grupo Provincial Popular solicita ao goberno da Deputación de Lugo un plan de medidas dirixidas a garantir a seguridade do tódolos usuarios nos puntos nos que as vías provinciais conflúen con algunha das rutas do Camiño de Santiago ao seu paso pola provincia de Lugo.
Os populares convidan ao goberno provincial a “escoitar aos que máis saben do Camiño para tomar as medidas que sexan máis convenientes”. De feito, o portavoz, Antonio Ameijide, comprobou xunto ao presidente da Asociacións de Amigos do Camiño na provincia de Lugo, Ángel Trabada, a perigosidade de varios puntos do Camiño de Santiago ao seu paso pola provincia. Entre eles, os que coinciden coas estradas provinciais LU-P-2101 ao seu paso por Guitiriz e a LU-P-2113 ao su paso por Friol.
Pola nosa provincia discorren varias rutas do Camiño de Santiago -algunhas delas declaradas Patrimonio Mundial da Humanidade como é o caso do Camiño Norte, o Camiño Primitivo e o Camiño Francés- coincidindo ou cruzándose con vías de titularidade da Deputación de Lugo que, na maioría dos casos, “son estreitas e carecen de marxes ou cunetas e nas que comparten espazo vehículos e peóns, maioritariamente peregrinos”.
“Estas condicións, que se agravan en zonas de escasa visibilidade, supoñen un perigo para os seus usuarios, tanto para viandantes coma para os vehículos que as empregan a diario”, apunta Ameijide que considera aínda máis necesarias as actuacións de mellora tendo en conta que “o número de peregrinos que percorren as rutas xacobeas aumenta cada ano”.
Ameijide destaca que “o Camiño de Santiago forma parte dos sinais de identidade de Galicia e, á súa vez, constitúe un gran reclamo turístico para a nosa comunidade en xeral e para a provincia de Lugo en particular”. O Grupo Provincial Popular, que lle pide ao goberno da Deputación “implicación” co desenvolvemento da provincia, incide nesta ocasión “no reforzo da seguridade viaria nas estradas provinciais como medida de apoio ao Camiño de Santiago e o que supón para o sector turístico da provincia”.
Os populares propoñen un plan que inclúa a mellora da sinalización -atendendo á normativa vixente-, a adecuación das estradas nos tramos comúns coas rutas xacobeas, por exemplo, coa adecuación das vías ás necesidades dos veciños e peregrinos para reducir a súa perigosidade ou coa construción de sendas paralelas ás estradas onde non existan, pero si sexa posible.
PUNTOS A MELLORAR
O voceiro explica que a rede viaria provincial conflúe en numerosos lugares con algunha das rutas xacobeas e son varios os puntos que requiren actuacións de mellora. Así, os populares teñen reclamado en numerosas ocasións, atendendo ás demandas dos veciños do Burgo, no Concello de Lugo, a construción dunha circunvalación na LU-P-2901 e unha senda peonil porque rexistra un gran tráfico de vehículos que comparten vía nun treito de 15 quilómetros con numerosos peóns, tanto veciños coma peregrinos.
Recentemente, tamén advertían dende o Grupo Provincial do PP das deficiencias na LU-P-4001 que comunica Pedraza con Coto, no municipio de Palas de Rei, onde reclamaban a renovación do asfalto, o seu ancheamento e a habilitación de cunetas practicables ou, se houbera dispoñibilidade, un sendeiro independente pola marxe da estrada para garantir a seguridade dos peóns.
Os populares convidan a estudar as necesidades da totalidade dos tramos das estradas provinciais que coinciden coas catro rutas xacobeas recoñecidas na provincia: o Camiño Primitivo, o Camiño Francés, o Camiño Norte e o Camiño de Inverno.
A XUNTA, COA SEGURIDADE NO CAMIÑO
No caso da Xunta de Galicia, “o seu compromiso coa seguridade no Camiño de Santiago é claro”, indica Ameijide. De feito, no ano 2022 o Goberno galego investiu 6,1 millóns de euros en actuacións de conservación dos Camiños e 1,4 millóns de euros en 70 actuacións para mellorar a seguridade viaria en estradas da súa titularidade que conflúen con algunha das rutas xacobeas.
Entre algúns dos puntos nos que o goberno autonómico aplicou medidas para garantir a seguridade atópanse os 1,5 quilómetros da LU-530 ao seu paso por Carballido en Lugo no Camiño Primitivo; un cruzamento na LU-633 en Triacastela, no Camiño Francés ou un treito da vía autonómica LU-132 ao seu paso por Trabada, no Camiño Norte.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
