Esta iniciativa incorporará tamén durante a tempada 2023-2024 o balneario de Guitiriz, que se sumará aos de Lugo, Pambre e Pantón para ofrecer ás persoas maiores de 50 anos da provincia e os seus acompañantes descontos en diferentes tratamentos termais nas modalidades con estancia e sen estancia
Lugo, 20 de outubro de 2023. A Deputación de Lugo vén de aprobar unha nova edición do programa Lugo Termal con dúas novidades principais para a temporada 2023-2024: máis investimento e máis prazas. Así o anunciou a Voceira socialista, Pilar García Porto, na rolda de prensa posterior á Xunta de Goberno, na que informou que a institución provincial lanza de novo este programa de descontos para tratamentos termais nos balnearios da provincia para ás persoas maiores de 50 anos.
O programa estará dotado este ano cun investimento de 91.000€, o que representa unha subida de case un 30%, e se pasará de 1.025 a 1.300 prazas, o que supón tamén case un 30% máis. Ademais, incorpórase aos balnearios de Pantón, Pambre e Lugo o de Guitiriz, en funcionamento dende o pasado mes de maio.
O aumento das prazas “é unha aposta moi importante que facemos dende a Deputación”, sinalou García Porto, que comparou as que pon a disposición a institución provincial coas da Xunta de Galicia para toda a comunidade autónoma, un total de 1.204. “Se temos en conta que o Orzamento global da Xunta é 120 veces superior co desta institución provincial, é evidente que estamos facendo un gran esforzo para potenciar a economía vinculada ao turismo termal e para apoiar ós establecementos termais da nosa provincia, fomentando a súa actividade en tempada baixa”, valorou.
Concretamente, o programa contará con 825 prazas con estancia: 50 no Balneario Termas de Lugo, 400 no Balneario Río Pambre, 300 no Balneario de Guitiriz e 75 no Hotel Balneario Augas Santas. Ademais a Deputación ofrecerá outras 475 prazas sen estancia: 150 no Balneario lucense das Termas, 150 no Balneario Río Pambre, 100 no Balneario de Guitiriz e 75 no Hotel Balneario Augas Santas.
Explicou a Voceira socialista que a través do Lugo Termal “favorecemos o benestar e a calidade de vida dos veciños e das veciñas da provincia, ao tempo que impulsamos a actividade económica fomentando o turismo termal”.
Nesta nova edición, a número 12, os beneficiarios do programa terán coma sempre descontos en función da modalidade –con estancia ou sen estancia- e tamén, como en anos anteriores, haberá diferentes técnicas e tratamentos a disposición das persoas usuarias.
Unha vez aprobada a nova edición do programa Lugo Termal, as bases terán que publicarse no Boletín Oficial da Provincia e a previsión, informou García Porto, é poñer a disposición da cidadanía os descontos a finais de ano.
Enquisa de Infraestruturas e Equipamentos Locais da provincia de Lugo
Por outra banda, a Xunta de Goberno da Deputación de Lugo aprobou este venres a licitación do contrato por un importe de 91.000€ para a prestación do servizo de actualización, análise, mantemento e mellora da Enquisa de Infraestruturas e Equipamentos Locais da Provincia de Lugo.
Esta enquisa constitúe un inventario estatal dos servizos de todos os municipios de menos de 50.000 habitantes –que na provincia son todos menos a capital-, e trátase do instrumento básico de valoración das necesidades dos concellos a efectos da cooperación económica local por parte do Estado. O prazo de execución é de 6 meses unha vez iniciados os traballos.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
