O conselleiro presentou como novo o helicóptero con base en Viveiro cando en realidade só está “recentemente pintado” e leva 8 anos facendo substitucións
Santiago de Compostela, 14 novembro, 2023. A deputada do BNG Rosana Pérez acusou este martes á Consellería do Mar de permitir que a empresa adxudicataria dos helicópteros do Gardacostas de Galiza actúe “con total impunidade” ao “incumprir gravemente” o contrato “unha e outra vez” dun servizo que, lembrou, ten entre outros cometidos o de salvar vidas.
“A Xunta de Galiza segue permitindo os incumprimentos e segue sen esixir o cumprimento escrupuloso do contrato e responsabilidades polo reiterado e descarado modus operandi da empresa”, asegurou, lembrando que “os galegos e as galegas vimos de pagar máis de 51 millóns de euros a Avincis nos últimos anos por un servizo que non prestou, nin presta, nas debidas condicións”.
Con estes antecedentes, denunciou, a Xunta do PP vén de adxudicarlle á mesma empresa o servizo por case 58 millóns, “pero por helicópteros con moitas menos prestacións”. “É incríbel”, considerou Rosana Pérez, que durante a súa intervención na Comisión 8ª referiuse como exemplo da súa denuncia ao helicóptero que a Xunta vendeu como “novo” durante a recente visita que o conselleiro do Mar, Alfonso Villares, fixo á base do Servizo de Gardacostas en Celeiro. En realidade, trátase dun helicóptero que é “un vello coñecido” do Servizo porque leva oito anos facendo as substitucións da aeronave titular, “só que agora está recentemente pintado”.
“O que antes tiña problemas sendo helicóptero de substitución, agora puido ser ascendido a titular por obra e graza dun prego de prescricións técnicas que rebaixa as condicións”, engadiu a deputada do BNG, para quen o recorte nas prestacións dos helicópteros que supón o novo contrato “feito a medida” é un “auténtico escándalo”, máis cando vai saír máis caro: 11,2 millóns de euros ao ano e un total de 57,7.
Segundo o fabricante, o helicóptero en cuestión, o AW139, acada os 4,98 metros de lonxitude, pero a porta do hangar de Celeiro mide 4,60, cifras que demostran un dos incumprimentos aos que se referiu Rosana Pérez, pois xa o anterior contrato obrigaba á adxudicataria a acometer as obras necesarias para poder acceder aos hangares. Ademais, o helicóptero só ten unha grúa, cando debería ter dúas, tal e como se establece nas especificacións técnicas esixidas no prego do contrato anterior. No novo “prego a medida”, xa só se esixe unha grúa, lamentou Pérez Fernández.
Neste momentos, lembrou a deputada do BNG, existe unha denuncia xudicial aberta motivada pola denuncia polo penal dun traballadora que puxo en risco a súa vida nunha manobra precisamente porque o helicóptero só contaba cunha grúa.
A pesar dos incumprimentos reiterados, entre os que figura tamén o de manter inactivo o helicóptero máis tempo do permitido, as sancións á empresa son “escandalosamente ridículas”, como as tachou a deputada nacionalista en relación aos 200 euros diarios dos que “presume” a Consellería do Mar. “Contratos millonarios que non se cumpren nin se vela para que se cumpran e faise un lavado de cara con sancións diarias de 200 euros nun contrato que superou os 51 millóns”, afirmou durante unha pregunta parlamentaria á secretaria xeral técnica da Consellería do Mar, Silvia Cortiñas.
Rosana Pérez emprazou á Consellería do Mar a facer cumprir as condicións do contrato e a rematar coa “impunidade absoluta” coa que vén actuando a empresa. Instou ademais ao Goberno do PP a valorar a xestión pública do Servizo de Gardacostas de Galiza porque, advertiu, “o último contrato, igual que os anteriores, estanos saíndo realmente caro a todos os galegos e galegas”
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
