Mariña Gueimunde insta a Alcaldesa a “deixar de enredar coa VAC e asumir un papel máis institucional que permita avanzar da man da Xunta”

Defende que a rexedora debería “exihibir outro tono e non mezclarse nestes ataques partidistas de quen quere utilizar a Viveiro para a promoción persoal como candidato á Xunta e traballar con seriedade e sen descanso da man do Goberno galego”

Viveiro, 15 de novembro de 2023. A voceira municipal do PP, Mariña Gueimunde, recoñece “non dar crédito” ás últimas manifestacións de María Loureiro contra a Xunta de Galicia respecto da VAC. Tal é así que a popular advirte á socialista que, “deste xeito, non se vai a avanzar nunha obra que leva vinte anos de retraso por culpa do PSdeG e á súa teima de opoñerse a un acceso viable por Magazos”. Por elo, a popular considera “o que ten que facer a socialista e porse no seu papel institucional e pedir unha entrevista coa conselleira, en Santiago, na que lle traslade o acordo unánime do Pleno para retomar unha obra imprescindible”.

Gueimunde rexeita así as formas “de quen foi derrotada nas derradeiras eleccións municipais”. “María Loureiro ponse a enredar nun tema moi sensible para o municipio e súmase ao estilo bronco e desabrido dun solitario deputado socialista nas Cortes, que veu a Viveiro a exhibir o desagradable estilo sanchista baseado na mentira e a desvergoña sen pudor”. A este respecto, lembra que “o novo representante de Puigdemont na provincia de Lugo, era presidente da Diputación cando o bipartito PSdeG-BNG decidiu arruinar a viabilidade da VAC, ao seu paso por Viveiro, e sentenciala a anos de indefinición de trazado e a este inxusto e lesivo retraso”.

CO PSOE VIVEIRO NON TEN PESO POLÍTICO

Para Gueimunde isto vén a demostrar que “Viveiro non ten peso político dende que goberna o PSOE, apoiado polos nacionalistas galegos, nin tampouco o terá”. Así se evidencia, engade, “que cando puideron non o fixeron”.

Quen tamén naqueles anos era senadora polo PP cre que “Besteiro ten dabondo con preocuparse da parte da Autovía da Mariña que vai de San Ciprián a Barreiros, que é competencia do Estado, e para a que non hai ningún compromiso firme. Quizais os cartos para acometela vanse volatilizar na escandalosa quita de débeda catalana que este deputado socialista por Lugo apoia con entusiasmo”, sentencia.

Mariña Gueimunde defende que a rexedora local debería “exhibir outro tono, non mezclarse nestes ataques partidistas de quen quere utilizar a Viveiro para a promoción persoal como candidato á Xunta e traballar con seriedade e sen descanso da man da conselleira de Infraestruturas da Xunta de Galicia para que unha estrada imprescindible no esenvolvemento do municipio, que debería de estar rematada fai vinte anos, se poida levar a cabo dunha vez como demanda toda a cidadanía”.