O aparato precisa dun intenso amaño, xa que hai moitas partes que están oxidadas e sofren corrosións, segundo deu a coñecer hoxe o alcalde, Dani Vega
Ribadeo, 20 de novembro de 2023. O Concello investirá 5.000 euros na substitución dos cables de tracción do ascensor panorámico de Ribadeo. Así o anunciou esta mañá o alcalde.
Dani Vega indicou que “no Concello de Ribadeo imos investir 5.000 euros no ascensor panorámico. Sabemos todos que é un elemento que dinamiza a economía local, contribúe de xeito positivo ao noso turismo e tiñamos que buscarlle unha solución”.
O rexedor dixo que “non foi todo o rápido posible que queriamos, non caeu no abandono, fixémolo desde un punto de vista técnico, que é como hai que facer as cousas. Encargamos un informe detallado que nos explica perfectamente os pasos a seguir. E a primeira inversión é esta de 5.000 euros, que nos di que hai que substituír os cables de tracción danados por uns novos”.
O alcalde seguiu a relatar que “o informe tamén nos indica que durante estes 14 anos fíxose pouca ou nula inversión e imos ter que facer un saneamento da base da cabina incluíndo a substitución da perfilería de apoio dos cristais, tamén recolle que hai que substituír as dúas portas do piso, xa que está moi oxidadas, que hai que cambiar a porta da cabina porque presenta importantes corrosións e hai que substituír os elementos mecánicos que forman parte de todo este elemento da cabina. Tamén di ese informe que hai que substituír a porta intermedia así como a bandexa decorativa da parte inferior da cabina, que tamén se atopa nun estado lamentable, está en malas condicións”.
Daniel Vega subliñou que “esta é a primeira inversión que hai que facer, a dos 5.000 euros. Pido disculpas en primeira persoa e tamén no nome do Concello. Durante este tempo o ascensor estivo pechado, agora comezarán a realizarse os arranxos necesarios. Estes 5.000 euros son unha parte desa inversión que había que facer durante todo este tempo, non sabemos porque non se fixo e agora vémonos na obriga de facelo si queremos ter un ascensor operativo e que non dea avarías continuamente”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
