O portavoz amosou a súa preocupación polo impacto desta enfermidade no concello
Xermade, 22 de novembro de 2023. O portavoz do Grupo Municipal do PP de Xermade, Antonio Riveira, trasladou a súa preocupación polas consecuencias da Enfermidade Hemorráxica Epizoótica (EHE) nas explotacións gandeiras do municipio durante unha reunión co conselleiro de Medio Rural, José González, na que tamén participou o director xeral de Planificación e Ordenación Forestal, José Luis Chan, e tamén abordaron outros asuntos que afectan ao municipio.
O voceiro popular remarcou o impacto da EHE nos animais gandeiros da zona, sinalando exemplos como o dunha explotación de Ladrela, na parroquia de Piñeiro, coa que tanto o portavoz coma a Consellería do Medio Rural amosaron a súa vontade de colaboración.
Riveira agradeceu a atención do conselleiro e a sensibilidade da Xunta con esta nova enfermidade que está a afectar á cabana gandeira de toda España. De feito, lembra que Galicia foi “a primeira comunidade autónoma en anunciar indemnizacións pola morte dos animais”, e “o propio conselleiro comprometeuse a axilizar os trámites”, explica o portavoz.
Entre outras actuacións, a Xunta está a desenvolver unha traballo coordinado co sector para mitigar as consecuencias da EHE, ademais de pedir ao Ministerio de Agricultura que deseñe unha estratexia -en coordinación coas comunidades autónomas- de loita contra unha enfermidade expandida por toda a Península Ibérica, ademais de liderar os traballos de investigación para lograr unha vacina contra esta patoloxía.
Ademais, o Consello Agrario Galego aprobou o pasado 14 de novembro a creación dun equipo de traballo que implementará un sistema de alertas temperás, co obxectivo de axudar a previr as consecuencias das enfermidades animais e vexetais derivadas do cambio climático que están afectando ao sector primario.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
